ប្រមុខCPPអះអាងថាគណបក្សប្រជាជនដាក់ចេញគោលនយោបាយមិនមែនសន្យាខ្យល់នោះទេ
សម្តេចហ៊ុន សែននាយករដ្ឋមន្រ្ដីនៃកម្ពុជានិងជាប្រធានគណបក្ស ប្រជាជនកម្ពុជាបានអះអាងថាគណបក្សប្រជាជនកម្ពុជាមិនដាក់ចេញគោលនយោបាយណាដែលជាការសន្យាខ្យល់ដូចគណបក្សនយោបាយខ្លះនោះទេ។ប៉ុន្ដែផ្ទុយទៅវិញនឹងខិតខំដើម្បីប្រជាជនទទួលបានផលកាន់តែច្រើន។ការអះអាងរបស់សម្ដេចបែបនេះ ក្នុងពិធីប្រគល់វិញ្ញាបនបត្រ និងសញ្ញាបត្រជូនសិស្ស និស្សិតវិទ្យាស្ថានខ្មែរជំនាន់ថ្មីសរុបជិត២ពាន់នាក់ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ រាជធានីភ្នំពេញ នាព្រឹកថ្ងៃទី០៦ ខែមីនា ឆ្នាំ២០២៣។សម្ដេចហ៊ុន សែនបានថ្លែងថា គណបក្សប្រជាជនកម្ពុជាដាក់ចេញគោលនយោបាយមិនមែនជាគោលនយោបាយសន្យាខ្យល់នោះទេ។ សម្តេចនាយករដ្ឋមន្រ្ដីបានថ្លែងបញ្ជាក់ថា៖«យើងមិនបានបណ្តុះបង្អាប់គោលនយោបាយគណបក្សនយោបាយណាទេ ។ក៏ប៉ុន្តែសម្រាប់រាជរដ្ឋាភិបាលដែលដឹកនាំដោយគណបក្សប្រជាជនកម្ពុជាបានអនុវត្តន៍ជាក់ស្តែងរួចហើយទទួលរួចហើយ និងពង្រីកការទទួលផលបន្ថែមសម្រាប់ប្រជាពលរដ្ឋ ទទួលបានផល»។ សម្តេចបានបន្តថាពិតហើយរដូវដេញថ្លៃបានមកហើយចាប់ពីពេលនេះរហូតដល់ថ្ងៃទី២៣ខែកក្កដា ឆ្នាំ២០២៣ខាងមុខ ហើយច្បាស់ជាមាន បក្សនេះគេថាម្នាក់ត្រូវបានប៉ុណ្ណេះរៀលបក្សនោះគេថាប៉ុណ្ណោះរៀល។សម្ដេចនាយករដ្ឋមន្រ្ដីបានថ្លែងបញ្ជាក់ថា៖ «បើឆ្នាំ២០១៣ ខ្ញុំចាំ បក្សមួយគេថាបើបក្សខ្ញុំឈ្នះឱ្យសាំងនៅតែ១៨០០រៀលទេក្នុងមួយលីត្រ ហើយបក្សមួយទៀតថាបើបក្សគេឈ្នះឱ្យសាំងនៅតែ១៥០០រៀល ក្នុងមួយលីត្រ ក្នុងពេលដែលខ្លួនមិនមានសាំងមួយកំណក់ក្នុងពេលខ្លួនគ្មានសាំង ហើយបែរកំណត់ថ្លៃ»។ សម្តេចតេជោបានបន្ដថា ពេលនោះគណបក្សនោះបានចោទថាគណបក្សប្រជាជនកម្ពុជា ជាគណបក្សកុម្មុយនីស្ត តែដល់ទង្វើនិងរបៀបធ្វើបក្សខ្លួនដោយកំណត់ថ្លៃ ដោយមិនគោរព ក្រឹត្យក្រមទីផ្សារនោះទេ បែរជាទៅជាកំណត់ថ្លៃសាំង។សម្តេចនាយករដ្ឋមន្រ្ដីបន្ថែមថា គណបក្សប្រជាជន និងរាជរដ្ឋាភិបាល នឹងខិតខំធ្វើការងារបន្ថែមទៀតដើម្បីធ្វើយ៉ាងណាឱ្យប្រជាជនទទួលបានប្រយោជន៍ដូចពេលនេះ៕AKP
/unnamed.png
Post a Comment