ចិ​ន​ព្រមាន​ពី​ការ​សង​សឹក​ប្រសិ​នបើប្រធា​នស​ភាអា​មេរិកជួប​មេដឹក​នាំ​តៃ​វ៉ាន់

ប្រទេសចិនបានប្តេជ្ញាចាត់វិធានការតបតប្រសិនបើប្រធានសភាតំណាងរាស្រ្តអាមេរិកKevin McCarthyជួបជាមួយមេដឹកនាំកោះតៃវ៉ាន់លោកស្រី Tsai Ing-wenខណៈពេលដែលលោកស្រីTsai ឆ្លងកាត់នៅសហរដ្ឋអាមេរិក។Reutersបានរាយការណ៍ថាលោកស្រី Zhu Fenglianអ្នកនាំពាក្យការិយាល័យកិច្ចការតៃវ៉ាន់របស់ប្រទេសចិនបានព្រមានកាលពីថ្ងៃទី២៩ខែមីនាថាទីក្រុងប៉េកាំងនឹងសងសឹកប្រសិនបើប្រធានសភាអាមេរិកKevinMcCarthyបានជួបជាមួយមេដឹកនាំតៃវ៉ាន់ក្នុងអំឡុងពេលដំណើររបស់លោកស្រីនៅសហរដ្ឋអាមេរិក។ មន្ត្រីZhuបាននិយាយថា ប្រសិនបើកិច្ចប្រជុំនេះកើតឡើងវានឹងក្លាយជាការបង្កហេតុដល់ប្រទេសចិនដីគោក។Tsai គ្រោងនឹងចាកចេញនៅថ្ងៃទី២៩ខែមីនាដើម្បីទៅទស្សនា GuatemalaនិងBelize ។ លោកស្រីនឹងឆ្លងកាត់ទីក្រុងចំនួន២របស់សហរដ្ឋអាមេរិកគឺញូវយ៉ក និងឡូសអេនជឺលេស។មុននេះប្រភពដែលដឹងពីបញ្ហានេះបាននិយាយថា លោកស្រី Tsai មានគម្រោងជួបលោក McCarthyនៅរដ្ឋកាលីហ្វ័រញ៉ា សហរដ្ឋអាមេរិក។លោក Zhu បានប្រាប់សន្និសីទសារព័ត៌មានមួយថា "ប្រសិនបើTsaiជួបជាមួយលោកMcCarthyវានឹងក្លាយជាទង្វើបង្កហេតុដែលបំពានយ៉ាងធ្ងន់ធ្ងរលើគោលការណ៍ចិនតែមួយធ្វើឱ្យប៉ះពាល់ដល់អធិបតេយ្យភាពនិងបូរណភាពទឹកដីរបស់ប្រទេសចិននិងបំផ្លាញសន្តិភាព និងស្ថិរភាពនៅក្នុងតំបន់ច្រកសមុទ្រតៃវ៉ាន់"។លោកស្រី​បាន​ព្រមាន​ថា​៖ «​យើង​ប្រឆាំង​យ៉ាង​ម៉ឺងម៉ាត់​ចំពោះ​រឿង​នេះហើយ​ច្បាស់​ជា​នឹង​ចាត់​វិធានការ​ប្រឆាំងយ៉ាងម៉ឺងម៉ាត់»​។ប្រទេសចិនតែងតែចាត់ទុកតៃវ៉ាន់ជាទឹកដីដែលមិនអាចបំបែកបានដែលគួរត្រូវបានបង្រួបបង្រួមឡើងវិញនៅគ្រប់ការចំណាយទាំងអស់រួមទាំងដោយកម្លាំងផងដែរ។ទោះបីជាសហរដ្ឋអាមេរិកមិនមានទំនាក់ទំនងការទូតជាមួយតៃវ៉ាន់ក៏ដោយ។ប៉ុន្តែវាគឺជាដៃគូសេដ្ឋកិច្ចនិងយោធាកំពូលរបស់កោះនេះ។ប្រទេសចិនប្រឆាំងរាល់ប្រតិបត្តិការផ្លូវការរបស់ប្រទេសដែលទទួលស្គាល់គោលការណ៍"ចិនតែមួយ"ជាមួយតៃវ៉ាន់៕ប្រភពReuters

លោកស្រី Tsai Ing-wen។AFP