សម្តេចហ៊ុ​ន សែ​នសម្ដែងនូ​វការព្រួយ​បារម្ភចំពោះ​​ការកើនឡើងកមៅ្ត​ដែ​លធ្វើឱ្យប៉ះពា​ល់ដ​ល់វិស័​យកម្មក្នុងប្រទេ​សកម្ពុជា

 សម្តេចហ៊ុន សែននា​​យករដ្ឋមន្ត្រីនៃកម្ពុជាបានសម្តែ​ងការព្រួយបារម្ភចំពោះការកើន​ឡើងកមៅ្តដែលជាហេតុធ្វើឱ្យប៉ះពាល់ដល់វិស័យកម្ម​នៅ​ក្នុងប្រទេសកម្ពុជា។ក្នុងពិធីប្រគល់វិញ្ញាបនបត្រនិងសញ្ញាបត្រ ដល់សិក្ខាកាម និងនិស្សិត នៃវិទ្យាស្ថាន​ជាតិ​​ពាណិជ្ជសាស្ត្រចំនួនជាង៦ពាន់នាក់ នៅមជ្ឈមណ្ឌលសន្និបាតនិងពិព័រណ៍កោះពេជ្រ នាព្រឹកថ្ងៃទី៣០ ខែមីនា ឆ្នាំ២០២៣ សម្ដេចហ៊ុន សែន បានថ្លែងថា៖ «ក្នុងវិស័យកម្ម​យើង​​កំពុងតែព្រួយបារម្ភថាកមៅ្តចេះតែកើនពេលកម្ដៅកើន តើពូជស្រូវរបស់យើងធន់​នឹង​កម្ដៅ​​​ដែរឬទេ។ ពូជដំណាំផ្សេងៗធន់នឹងកម្ដៅហ្នឹងឬទេ។ អីចឹងទេ អ្នកជំនាញកសិកម្មត្រូវ​តែបន្ត​ធ្វើការស្រាវជ្រាវ»។ សម្ដេចបានលើកឡើងថា អ្នកជំនាញកសិកម្មត្រូវធ្វើការស្រាវ​ជ្រាវ​ដោយបញ្ជាក់ថាពូជនេះមិនអាចធន់នឹងកម្ដៅបានទេ ហើយបន្តធ្វើការស្រាវជ្រាវទៀតថា​ពូជណាអាចធន់នឹងសីតុណ្ហភាពដែលចេះតែកើនឡើង។សម្តេចតេជោបានថ្លែងបន្ដថាបញ្ហាកសិកម្មមានភាពប្រទាក់ក្រឡាគ្នា ក្នុងនោះវត្ថុធាតុ​ដើម​ដែលនាំចូលមកក្នុងប្រទេសគឺមានមកពីប្រទេសចិន ឥណ្ឌា ជាដើមដើម្បីយកមកផលិត​នៅក្នុងស្រុកខ្មែររួចហើយបាននាំចេញពីស្រុកខ្មែរទៅសហរដ្ឋអាមេរិក អឺរ៉ុប ចិន ជប៉ុន ។ សម្តេចតេជោនាយករដ្ឋមន្រ្ដីបានបន្ថែមថា ចំណុចនេះ គេហៅសមាហរណកម្មសេដ្ឋកិច្ចហើយការចូលរួមរបស់កម្ពុជាក្នុងទីផ្សារគឺបង្ហាញថាកម្ពុជាបានចាកផុតពីសេដ្ឋកិច្ចផ្គត់ផ្គង់ខ្លួនឯង​ហើយទៅជាសេដ្ឋកិច្ចពាណិជ្ជកម្ម។ សម្ដេចហ៊ុនសែនបានរម្លឹកផងដែរថាកសិករពីមុនធ្វើការ​ផលិតដើម្បីតែគ្រួសារខ្លួន តែពេលបច្ចុប្បន្ននេះគាត់ផលិតដើម្បីផ្គត់ផ្គងទៅលើទីផ្សារ ហើយ ពេលនេះកម្ពុជាកំពុងតែដើរលើសេដ្ឋកិច្ចទីផ្សារ ដែលទីផ្សារបានដើរតួក្នុងការកាត់សេចក្តី។សម្តេចនាយករដ្ឋមន្រ្ដីបានឱ្យដឹងទៀតថានិស្សិតនឹងយល់ច្បាស់ដោយមិន​ងងឹតនិងយល់ដូចការលើកឡើងរបស់មនុស្សចំនួនថារាជរដ្ឋាភិបាលមិនទម្លាក់ថ្លៃភ្លើងមិនកំណត់​ថ្លៃរបស់នេះ របស់នោះទេ ដោយសម្តេចតេជោបានអះអាងបន្ថែមថាមានតែប្រទេសកុម្មុយ​នីស្ត​ទេ ដែលរដ្ឋាភិបាលជាអ្នកកំណត់ថ្លៃទំនិញនិងអត្រាប្តូរប្រាក់ជាដើម៕ប៊ុនរិទ្ធAKP/ក្រសួងព័ត៌មាន