នាយក​​​រដ្ឋមន្ត្រី​កម្ពុជា​ត្រូវ​បា​ន​​ផ្ញើ​សារ​បន្លំ

 លោកនាយករដ្ឋមន្ត្រីហ៊ុនសែនបានប្រកាសថាលោកបានទទួលសារផ្ទេរប្រាក់ក្លែងបន្លំតាមTelegramពីបុគ្គលដែលសង្ស័យថាកំពុងនៅតៃវ៉ាន់។សារព័ត៌មានកម្ពុជានៅថ្ងៃទី១៤ខែមីនាបានរាយការណ៍ថា លោកនាយករដ្ឋមន្ត្រី ហ៊ុន សែនបានទទួលសារពីគណនីTelegram ដែលមានរូបភាពប្រវត្តិរូបអ្នកជំនួញដ៏ល្បីល្បាញក្នុងប្រទេស។ក្នុង​សារ​សរសេរ​ជា​ភាសា​អង់គ្លេស “អ្នក​ជំនួញ” ស្នើ​ឲ្យ​លោកហ៊ុន សែនផ្ទេរ​ប្រាក់​ទៅ​គណនីមិនស្គាល់។នាយករដ្ឋមន្ត្រីកម្ពុជាបានបញ្ជាឱ្យមន្ត្រីស៊ើបអង្កេតឧប្បត្តិហេតុនេះហើយបញ្ជាក់ថាសារនេះបានមកពីគណនីរបស់អ្នកបោកប្រាស់។លេខទូរស័ព្ទដែលបុរសនេះប្រើគឺចុះឈ្មោះនៅប្រទេសឡាវ ។ប៉ុន្តែទីតាំងនៃសារដែលបានផ្ញើគឺមកពីកោះតៃវ៉ាន់។លោក ហ៊ុន សែន ថ្លែង​ដោយ​ក្រើន​រំឭក​សាធារណជន​ឲ្យ​ប្រុង​ប្រយ័ត្ន​ចំពោះ​ការ​បោក​ប្រាស់​តាម​ប្រព័ន្ធTelegramថា“អ្នក​ឆបោក​ប្រហែល​ជា​មិន​ដឹង​ថា​នេះ​ជា​លេខ​ទូរស័ព្ទ​របស់​នាយក​រដ្ឋមន្ត្រី​កម្ពុជា​ទេ”។ទីភ្នាក់ងារស៊ើបអង្កេតឧក្រិដ្ឋកម្មកោះតៃវ៉ាន់(CIB) បាននិយាយកាលពីថ្ងៃទី១៤ខែមីនាថាគណនីក្លែងបន្លំដែលផ្ញើសារទៅកាន់លោកនាយករដ្ឋមន្ត្រីហ៊ុន សែនមានអាសយដ្ឋានIPរបស់កោះនេះ ប៉ុន្តែមិនមែនមានន័យថាបុគ្គលនេះនៅតៃវ៉ាន់នោះទេ។ការិយាល័យកិច្ចការឧក្រិដ្ឋកម្មអន្តរជាតិរបស់ CIB ចង្អុលបង្ហាញថា អ្នកបោកប្រាស់តែងតែប្រើអាសយដ្ឋានIPក្លែងក្លាយដើម្បីលាក់ទីតាំងពិតរបស់ពួកគេ។លោកនាយករដ្ឋមន្ត្រី ហ៊ុន សែនមានប្រសាសន៍ថា គណនី Telegramរបស់លោកមានអ្នកFollowច្រើនជាងគេទី២នៅលើពិភពលោកនៅពីក្រោយតែប្រធានាធិបតីអ៊ុយក្រែន Volodymyr Zelensky ដែលតែងតែធ្វើបច្ចុប្បន្នភាពស្ថានភាពយោធាតាមរយៈវេទិកានេះ។ គណនី Telegram របស់​នាយករដ្ឋមន្ត្រី​កម្ពុជា​បច្ចុប្បន្ន​មាន​អ្នក​តាមដាន​ជាង៦២៥ ០០០​នាក់៕យោងតាមTaiwan News

លោកនាយក​រដ្ឋមន្ត្រីហ៊ុន សែននៅ​រាជធានី​ភ្នំពេញកាលពី​ខែវិច្ឆិកាឆ្នាំ​២០១៩។ រូបថត៖Reuters។

គណនី​របស់​អ្នក​ឆបោក​បាន​ផ្ញើ​សារ​ទៅ​កាន់​លោក​នាយក​រដ្ឋមន្ត្រី ហ៊ុន សែន។ រូបថត៖ Taiwan News។