សម្តេចហ៊ុនសែ​នក្រើនរម្លឹកដល់មិត្តបរ​ទេសសូមកុំក​សាងកំហុសជា​លើកទី៣​មក​លើកម្ពុជា​

 សម្តេចហ៊ុន សែននាយករដ្ឋមន្ត្រីនៃកម្ពុជា​បាន​ក្រើនរម្លឹកដល់​មិត្តបរទេស សូមកុំកសាងកំហុសជាលើកទី៣មកលើកម្ពុជា​ខណៈធ្លាប់គាំទ្ររដ្ឋប្រហារនៅកម្ពុជានិងបើកផ្លូវឱ្យ​ប៉ុល ពតបានវិលត្រឡប់មកកម្ពុជា។ការក្រើន​រម្លឹក​​របស់សម្ដេចនាយករដ្ឋមន្រ្ដីនេះក្នុងពិធីសម្ពោធដាក់ឱ្យប្រើប្រាស់អគារសិក្សា​ចំនួន២ខ្នងនិងប្រគល់សញ្ញាបត្រជូននិស្សិតនៃវិទ្យាស្ថានបច្ចេកវិទ្យាកម្ពុជាជិត៥ពាន់នាក់​នាព្រឹកថ្ងៃទី០១ខែមីនា ឆ្នាំ២០២៣នៅមជ្ឈមណ្ឌលសន្និបាត និងពិព័រណ៍កោះពេជ្ររាជធានីភ្នំពេញ។សម្ដេចហ៊ុន សែន បានថ្លែងថា៖ «ខ្ញុំសូមរម្លឹកដល់មិត្តបរទេសកុំកសាង​កំហុស​​ជា​លើកទី៣មកលើកម្ពុជា ដែលកំហុសនោះរួមមានទី១ គឺអ្នកអះអាងខ្លួនជាអ្នក​ប្រជា​ធិបតេយ្យ ។ប៉ុន្តែអ្នកគាំទ្រចំពោះរដ្ឋប្រហារមួយនៅក្នុងទីក្រុងភ្នំពេញក្នុងឆ្នាំ១៩៧០ ។ ពួកអ្នកឯងតែងតែអួតថាអ្នកប្រជាធិបតេយ្យ។ប៉ុន្តែគាំទ្ររដ្ឋប្រហារមួយនៅកម្ពុជាដែល​ធ្វើ​ឱ្យ​ប្រទេសមួយនេះទៅ​កាន់សង្គ្រាមមួយហើយបើកផ្លូវឱ្យពួកប៉ុល ពត បានវិលត្រឡប់។កំហុសទី២គឺតើ​អ្នកចងចាំទេថាអ្នកបានគាំទ្រខ្មែរក្រហមនៅ​អង្គការសហប្រជាជាតិ​ចាប់​ពីឆ្នាំ១៩៧៩ ដល់ឆ្នាំ១៩៩១។ ពួកអ្នកមិនដែលបង្ហាញអំពីការសោកស្តាយចំពោះឥរិយាបថ​នយោបាយ​ការបរទេសរបស់អ្នកចំពោះប្រទេសខ្ញុំទេ។ អីចឹងខ្ញុំគ្រាន់តែទូន្មានឬផ្តល់​យោបល់​ដល់អ្នក​ឯង​ថាសូមកុំកសាងកំហុសជាលើកទី៣នៅកម្ពុជា»។សម្តេចនាយករដ្ឋមន្រ្ដីបានបញ្ជាក់ថាពាក្យក្រើនរម្លឹកនេះគឺ​ធ្វើឡើងនៅ​ពេល​ជួប​ជា​មួយមិត្តបរទេសមួយចំនួនហើយតាំងខ្លួនជាអ្នកប្រទេសជាធិបតេយ្យ ទើបសម្ដេច​ចង្អុល​បង្ហាញ។ប៉ុន្តែមានអ្នកខ្លះបាននិយាយថានេះកំហុសធំណាស់នៅក្នុងអតីតកាល ។ សម្តេចលើកឡើងថាប្រទេសជាមិត្តមួយចំនួនមិនដែលបានធ្វើការ​សុំទោសនូវ​អ្វី​ដែល​គេធ្វើមកលើប្រទេសកម្ពុជាយើងនោះទេ ឬសម្តែងការសោកស្តាយនោះទេ។សម្តេចនាយករដ្ឋមន្ត្រីបានអះអាងថា កេរមរតកដែលប៉ុលពតបន្សល់ទុក​គឺគ្មាន​អ្វីក្រៅពីផលវិបាករាប់មិនអស់ ដូចជាស្ត្រីមេម៉ាយកុមារកំព្រាប្រជាជនត្រូវជម្លៀស​ពីកន្លែង​មួយទៅកន្លែង ដោយត្រូវរែកចានឆ្នាំងនិងកូន។ សម្តេចថ្លែងបញ្ជាក់ថា៖«នេះ​ជា​រឿង​ពិតដែលបានកើតឡើងនៅក្នុងទឹកដីកម្ពុជាអីចឹងមនុស្សមួយចំនួនដែល​ទទួល​យកសច្ចៈធម៌ពិតបានបង្ហាញនូវការស្ងប់ស្ងែងខ្លួន​ឯងថា​អញកាលហ្នឹងក្រណាស់​រក​ស្បៃ​មួយ​ពាក់មិនបានផង»។ជាមួយគ្នានោះដែរសម្តេចនាយករដ្ឋមន្ត្រីបានបន្ថែមថា នៅបណ្តាប្រទេសមួយចំនួនអ្នកដែលចង់ធ្វើជានាយករដ្ឋមន្ត្រីគឺមានភាពងាយស្រួលណាស់ដោយសារគេមានក្រសួង ស្ថាប័នស្រាប់ គ្រាន់តែយកឈ្នះការបោះឆ្នោតបានហើយ ។ប៉ុន្តែសម្រាប់កម្ពុជា​គឺមាន​ការ​ពិបាកដោយសារប្រទេសត្រូវបានសង្គ្រាមបំផ្លាញខ្ទេចខ្ទី។ ដូច្នេះត្រូវបានចាប់ផ្តើម​កសាងបន្តិចម្តងៗ។សម្តេចបានបញ្ជាក់ឱ្យដឹងទៀតថា បរទេសខ្លះមិនគ្រាន់តែគាំទ្រនៅអង្គការ​សហ​ប្រជាជាតិដើម្បីដោះស្រាយជាមួយកម្ពុជាទេ។ផ្ទុយទៅវិញថែមទាំងដាក់ទណ្ឌកម្ម​ចំពោះ​កម្ពុជាវិញ៕AKP