អ្នកសុំទា​ន​ខ្មែរ​​៤​នាក់​ជាមួយ​កូនក្មេង​​ត្រូវ​បាន​ឃា​ត់ខ្លួន​នៅថៃ

 នគរបាល​អន្តោប្រវេសន៍​ថៃ​ចាប់​អ្នកសុំទាន​បរទេស​រំខាន​អ្នកទេសចរ​នៅកណ្តាល​ក្រុង​ប៉ា​តា​យ៉ា​។​​អ្នកសុំទាន​ត្រូវ​បាន​គេ​ស្គាល់​ថា​ជា​ជន​ជាតិខ្មែរ​ឈ្មោះ​ពយ​ ​អាយុ​៥​៨​ឆ្នាំ​ ​សោម​ផុន​ ​អាយុ​៦​៨​ឆ្នាំ​ ​នី​អាយុ​៤​៣​ឆ្នាំ​និង​ជា​ ​អាយុ​៤​២​ឆ្នាំ​ត្រូវ​បាន​សមត្ថកិច្ច​ឃាត់ខ្លួន​ពេល​រៀបចំ​សណ្តាប់ធ្នាប់​តាម​បណ្ដោយ​ផ្លូវ​ទី​២​កាលពី​ថ្ងៃ​ទី​៧​ ​ខែ​មីនា​។​ពួកគេ​មិន​ត្រូវ​បាន​ប្រាប់​ពី​នាមត្រកូល​នោះ​ទេ​។​ពួកគេ​ត្រូវ​បាន​រក​ឃើញ​ថា​មិន​មាន​ទិដ្ឋា​ការត្រឹមត្រូវ​ ​និង​កំពុង​ត្រូវ​បាន​រៀបចំ​ឯកសារ​សម្រាប់​ការ​និរទេស​។​បញ្ហា​អ្នកសុំទាន​នៅ​ប៉ា​តា​យ៉ា​មិនបាន​ធូរស្រាល​ទេ​ជាមួយនឹង​កា​របើក​ទីក្រុង​ឡើងវិញ​។​ ​ទោះបីជា​មានការ​ខិតខំ​ប្រឹងប្រែង​ពី​អង្គការ​សុខុមាលភាព​សង្គម​ដើម្បី​ផ្លាស់​ទី​អ្នកសុំទាន​ទៅកាន់​ទី​ជម្រក​សម្រាប់​អ្នក​គ្មាន​ផ្ទះសម្បែង​​ហើយ​នគរបាល​ ​បាន​ធ្វើការ​បង្ក្រាប​ក្រុម​ជួញ​ដូរ​មនុស្ស​ក៏ដោយ​ក៏​វា​នៅតែ​ឃើញ​មាន​អ្នកសុំទាន​នៅ​ក្នុង​ទីក្រុង​។​​នគរបាល​បាន​និយាយ​ថា​ក្រុម​ជួញ​ដូរ​មនុស្ស​បាន​ចាប់គូ​ស្ត្រី​ជាមួយ​កុមារ​តូច​ៗ​ដែល​មិន​មាន​ជាប់​សាច់ឈាម​ ​ដើម្បី​ទាក់ទាញ​ការ​អាណិតអាសូរ​និង​សុំ​លុយ​ពី​អ្នកទេសចរ​។​​ក្នុង​យុទ្ធនាការ​បញ្ឈប់​លំ​ហូរ​អ្នកសុំទាន​ចូល​មក​ក្នុង​ទីក្រុង​ ​សាលាក្រុង​ ​Pat​t​a​y​a​-​Non​g​p​rue​ ​សហការ​ជាមួយ​ក្រសួង​សុខុមាលភាព​សង្គម​ ​និង​អភិវឌ្ឍន៍​មនុស្ស​ ​និង​មជ្ឈមណ្ឌល​ការពារ​ជន​ទុរគត​ខេត្ត​ឈុន​បុរី​ ​កំពុង​ស្នើសុំ​សហគមន៍​បញ្ឈប់​ការ​ផ្តល់​ប្រាក់​ដល់​អ្នកសុំទាន​។​ជាមួយគ្នា​នេះ​ ​អាជ្ញាធរ​ក៏បាន​ស្នើ​ឱ្យ​ប្រជាពលរដ្ឋ​ ​ប្រុងប្រយ័ត្ន​ចំពោះ​សកម្មភាព​ទាំងឡាយ​ណា​ ​ដែល​ពាក់ព័ន្ធ​នឹង​ការ​ជួញ​ដូរ​មនុស្ស​ ​មិនថា​កុមារ​ ​ឬ​មនុស្ស​ធំ​នោះ​ទេ​៕​​Pat​t​a​y​a​ ​Mail/KhmerTimes

មនុស្ស​អង្គុយ​នៅមុខ​Avenue​ ​លើ​ផ្លូវ​ ​Pat​t​a​y​a​ ​Second​ ​Road​ ​មើល​ប៉ូលីស​អន្តោប្រវេសន៍​ចាប់ខ្លួន​អ្នកសុំទាន​បរទេស​ជាមួយ​កូន​ដែល​រំខាន​អ្នកទេសចរ​នៅកណ្តាល​ទីក្រុង​ប៉ា​តា​យ៉ា​។​ ​Pat​t​a​y​a​ ​Mail​/KhmerTimes