នាយករដ្ឋមន្ត្រីកម្ពុជាប្រកាសគាំទ្រសំណើ១២ចំណុចរបស់ចិនសម្រាប់សន្តិភាពនៅអ៊ុយក្រែន
សម្តេចនាយករដ្ឋមន្ត្រីហ៊ុន សែនបានប្រកាសគាំទ្រចំពោះសំណើសន្តិភាព១២ ចំណុចរបស់ចិនដើម្បីបញ្ចប់វិបត្តិរុស្ស៊ី-អ៊ុយក្រែនហើយបានអំពាវនាវឱ្យគ្រប់ភាគីពាក់ព័ន្ធពិចារណាលើសំណើនេះ។សម្តេចនាយករដ្ឋមន្ត្រី ហ៊ុន សែន ថ្លែងក្នុងពិធីបិទសន្និបាតប្រចាំឆ្នាំរបស់ក្រសួងការបរទេសនិងសហប្រតិបត្តិការអន្តរជាតិ ដែលធ្វើឡើងនៅវិមានសន្តិភាពកាលពីម្សិលមិញថាសំណើនេះធ្វើឡើងក្នុងឱកាសគម្រប់ខួបមួយឆ្នាំនៃសង្គ្រាមរុស្ស៊ី-អ៊ុយក្រែន។សម្តេចបានពន្យល់ថាកម្ពុជាគាំទ្រផែនការ១២ចំណុចរបស់ចិន ព្រោះសំណើនេះ ស្នើឲ្យមានការគោរពច្បាប់អន្តរជាតិ និងគោលការណ៍ធម្មនុញ្ញអង្គការសហប្រជាជាតិ។ល។ដែលស្របតាមគោលជំហររបស់កម្ពុជា។សម្តេចហ៊ុន សែនបានសង្កត់ធ្ងន់ថា៖ «សំណើខាងលើក៏បានអំពាវនាវឲ្យបញ្ចប់អរិភាពយោធាផងដែរ»។ “សង្រ្គាមគឺជាវិធីដ៏អាក្រក់បំផុតដើម្បីបញ្ចប់សង្រ្គាម។ បទឈប់បាញ់គឺជាមធ្យោបាយដ៏ល្អបំផុតឆ្ពោះទៅរកការបញ្ចប់សង្គ្រាម។ ”នាយករដ្ឋមន្ត្រីបានអំពាវនាវដល់ភាគីពាក់ព័ន្ធទាំងអស់ ពិចារណាដោយយកចិត្តទុកដាក់លើសំណើសន្តិភាពរបស់ប្រទេសចិន ដើម្បីបញ្ឈប់ការប្រយុទ្ធគ្នា ដោយបញ្ចប់ទុក្ខវេទនារបស់ប្រជាជន និងការបំផ្លិចបំផ្លាញទ្រព្យសម្បត្តិ និងហេដ្ឋារចនាសម្ព័ន្ធ។សំណើទាំង ១២ នោះរួមមាន ការគោរពអធិបតេយ្យភាពនៃប្រទេសទាំងអស់ បោះបង់មនោគមសង្រ្គាមត្រជាក់ បញ្ឈប់អរិភាព ការបន្តការចរចាសន្តិភាព ការដោះស្រាយវិបត្តិមនុស្សធម៌ ការការពារជនស៊ីវិល និងអ្នកទោសសង្រ្គាម ការរក្សារោងចក្រថាមពលនុយក្លេអ៊ែរឱ្យមានសុវត្ថិភាព កាត់បន្ថយហានិភ័យជាយុទ្ធសាស្រ្ត ការសម្របសម្រួលការនាំចេញគ្រាប់ធញ្ញជាតិ ការបញ្ឈប់ការដាក់ទណ្ឌកម្មឯកតោភាគី ការរក្សាស្ថិរភាព ខ្សែច្រវ៉ាក់ផ្គត់ផ្គង់និងឧស្សាហកម្ម និងការលើកកម្ពស់ការកសាងឡើងវិញក្រោយជម្លោះ៕AKP/KhmerTimes
/unnamed.png
Post a Comment