អាល្លឺម៉ង់-ជ​ប៉ុនប​ង្កើនកិច្ចស​​ហ​ប្រតិបត្តិកា​​រសន្តិសុខ​ដោយ​សារសង្គ្រាម​​នៅអ៊ុយក្រែន

 មេដឹកនាំ​ជប៉ុននិង​អាល្លឺម៉ង់​បាន​ពិភាក្សា​អំពី​សន្តិសុខ​សេដ្ឋកិច្ចនិង​ការពង្រឹង​ទំនាក់ទំនង​ការពារជាតិចំពេល​មាន​ក្តីបារម្ភ​អំពី​អរិភាព​នៅ​អ៊ុយក្រែន។នាយករដ្ឋមន្ត្រីជប៉ុនលោកFumio Kishida បាននិយាយនៅក្នុងសន្និសីទសារព័ត៌មានកាលពីថ្ងៃទី១៨ខែមីនាថា "ក្នុងអំឡុងពេលពិភាក្សារបស់យើងស្តីពីសន្តិសុខសេដ្ឋកិច្ចយើងបានពិភាក្សាអំពីការពង្រឹងខ្សែសង្វាក់ផ្គត់ផ្គង់"។មេដឹកនាំទាំង២មិនបានប្រកាសលទ្ធផលជាក់លាក់ជាច្រើនបន្ទាប់ពីកិច្ចប្រជុំនោះទេ។ប៉ុន្តែបានសង្កត់ធ្ងន់លើតម្រូវការរួមក្នុងការពង្រឹងនិងធ្វើពិពិធកម្មខ្សែសង្វាក់ផ្គត់ផ្គង់កាត់បន្ថយផលប៉ះពាល់នៃព្រឹត្តិការណ៍ដូចជាជំងឺរាតត្បាតCovid-19ឬសង្គ្រាមនៅអ៊ុយក្រែន។លោកKishida បាននិយាយថាសង្គ្រាមរុស្ស៊ី-អ៊ុយក្រែនបានជំរុញឱ្យជប៉ុននិងអាល្លឺម៉ង់ រួមគ្នាជំរុញកិច្ចសហប្រតិបត្តិការសន្តិសុខ។ទន្ទឹមនឹងនេះ លោក Scholzបានបញ្ជាក់ថាយោធាអាល្លឺម៉ង់នឹងធ្វើប្រតិបត្តិការបំពេញទស្សនកិច្ចនៅក្នុងតំបន់អាស៊ីប៉ាស៊ីហ្វិកក្នុងរយៈពេលប៉ុន្មានឆ្នាំខាងមុខ។ជប៉ុន និងអាល្លឺម៉ង់មេដឹកនាំទាំង២ចង់ពង្រឹង"ឥទ្ធិពលរបស់ប្រទេសទាំង២នៅក្នុងផ្នែកយុទ្ធសាស្ត្ររួមទាំងធនធានរ៉ែ សម្ភារៈ semiconductor និងបច្ចេកវិទ្យាដោយចែករំលែកវិធីសាស្រ្តដ៏មានប្រសិទ្ធភាពបំផុតដើម្បីដោះស្រាយហានិភ័យ"។ទីក្រុងប៊ែកឡាំងកំពុងធ្វើការដើម្បីបង្កើនវត្តមានរបស់ខ្លួននៅក្នុងកិច្ចការឥណ្ឌូប៉ាស៊ីហ្វិក។នេះ​ជា​ដំណើរ​ទស្សនកិច្ច​លើក​ទី២របស់​លោក Scholz នៅ​ប្រទេស​ជប៉ុន​ក្នុង​រយៈពេល​មិន​ដល់​១​ឆ្នាំ​ផង​។នាយករដ្ឋមន្ត្រី Scholz បាននិយាយថាទំនាក់ទំនងអាល្លឺម៉ង់-ជប៉ុនត្រូវបានលើកកំពស់មួយកម្រិតថ្មីបន្ទាប់ពីកិច្ចពិភាក្សារវាងរដ្ឋាភិបាលទាំង២នៅថ្ងៃនេះ។យោងតាមលោក ប្រទេសទាំង២ត្រូវទាញ "មេរៀនសមស្រប" អំពីការពឹងផ្អែកផ្នែកសេដ្ឋកិច្ចពី Covid-19និងសង្រ្គាមនៅអ៊ុយក្រែន។ ទីក្រុងប៊ែរឡាំងតស៊ូមតិលើការធ្វើពិពិធកម្មកិច្ចសហប្រតិបត្តិការសេដ្ឋកិច្ចទាំងការផ្គត់ផ្គង់និងការនាំចេញនៅក្នុងតំបន់ដោយផ្តោតលើសេដ្ឋកិច្ចសំខាន់ៗដូចជាប្រទេសជប៉ុន ឥណ្ឌូនេស៊ី ឥណ្ឌា និងចិន។សេចក្តីថ្លែងការណ៍រួមរបស់ក្រសួងការពារជាតិជប៉ុន និងក្រសួងការពារជាតិអាល្លឺម៉ង់បន្ទាប់ពីដំណើរទស្សនកិច្ចរបស់លោក Scholz បាននិយាយថាប្រទេសទាំង២នឹងបន្តពិភាក្សាអំពីវត្តមានយោធាអាល្លឺម៉ង់នៅក្នុងតំបន់និងលទ្ធភាពនៃការធ្វើសមយុទ្ធរួម។ ប្រទេសអាល្លឺម៉ង់និងជប៉ុនគ្រោងបង្កើត "ក្របខ័ណ្ឌច្បាប់សម្រាប់ប្រតិបត្តិការរួមគ្នា" នៃយោធារបស់ពួកគេ៕យោងតាម AFP

នាយករដ្ឋមន្ត្រីជប៉ុនលោកFumioKishida(ឆ្វេង)ក្នុងពិធីស្វាគមន៍ចំពោះអធិការបតីអាល្លឺម៉ង់ Olaf Scholz នៅទីក្រុងតូក្យូ នៅថ្ងៃទី១៨ ខែមីនា។ រូបថត៖ AFP។