កិច្ចព្រម​ព្រៀង​ចំ​នួន​២​នឹង​ត្រូវចុះ​ហត្ថ​លេខា​​នៅ​ចំពោះ​មុខ​​លោក​​នាយក​រដ្ឋមន្ត្រីម៉ា​ឡេស៊ី

 កិច្ចព្រមព្រៀង​ចំនួន​២ស្តីពី​ការ​ជ្រើសរើស​ពលករ​កម្ពុជា​នឹង​ត្រូវចុះ​ហត្ថលេខា​នៅ​ចំពោះ​មុខ​លោក​នាយក​រដ្ឋមន្ត្រីម៉ាឡេស៊ី Anwar Ibrahim ក្នុងអំឡុងពេល​បំពេញ​ទស្សនកិច្ច​រយៈពេល១ថ្ងៃ​នៅ​ប្រទេសកម្ពុជា។នេះ​ជា​ដំណើរ​ទស្សនកិច្ច​ផ្លូវ​ការ​លើក​ដំបូង​របស់​លោក​នៅ​កម្ពុជានិង​ជា​ទស្សនកិច្ច​ក្រៅ​ប្រទេស​ជាលើក​ទី​៧រ​របស់​លោក​ចាប់​តាំង​ពី​លោក​ឡើង​កាន់​តំណែង​ជា​នាយក​រដ្ឋមន្ត្រី​កាល​ពី​ឆ្នាំ​មុន។លោក Zambry Abdul Kadir រដ្ឋមន្ត្រី​ក្រសួង​ការ​បរទេស​ម៉ាឡេស៊ី បាន​និយាយ​ថា ដំណើរ​ទស្សនកិច្ច​នេះគឺ​តបតាម​ការ​អញ្ជើញ​របស់​សម្តេច​នាយក​រដ្ឋមន្ត្រី ហ៊ុន សែន។លោកនាយករដ្ឋមន្រ្តី Anwar នឹងចូល​ក្រាបបង្គំ​គាល់ ព្រះករុណា ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ ហើយនឹងធ្វើជាសាក្សីក្នុងពិធីចុះហត្ថលេខាលើអនុស្សរណៈនៃការយោគយល់គ្នាចំនួន២ស្តីពីការជ្រើសរើសពលករកម្ពុជា។លោក Anwar Ibrahim នឹង​ចូលរួម​ជាមួយ​សម្តេចនាយករដ្ឋមន្រ្តី ហ៊ុន សែន ក្នុងពិធី​លៀង​សាយ​ភោជន៍ស្រាយ​បួស​របស់​សាសនិក​អ៊ិស្លាម​ផងដែរ។ឯកអគ្គរដ្ឋទូតម៉ាឡេស៊ីប្រចាំកម្ពុជា លោក Datuk Eldeen Husaini Mohd Hashim បាននិយាយថាទំនាក់ទំនងដ៏ស្និទ្ធស្នាលរវាងប្រទេសទាំង២បានធ្វើឱ្យស្ថានទូតម៉ាឡេស៊ីនៅទីក្រុងភ្នំពេញជួយសង្គ្រោះប្រជាជនម៉ាឡេស៊ីចំនួន២៨៦ នាក់ដែលបានចាញ់បោកក្រុមឆបោកការងារ។លោក​បាន​បន្ត​ថា​៖ «​នៅ​ឆ្នាំ ២០២២ ​យើង​បាន​សង្គ្រោះ​មនុស្ស​ចំនួន២៥០ នាក់​តាម​រយៈ​ការ​សម្របសម្រួល​ល្អ​រវាង​ស្ថានទូត​ម៉ាឡេស៊ីនិង​នគរបាល​កម្ពុជា។មានជនជាតិម៉ាឡេស៊ីប្រហែល ៥,០០០នាក់នៅក្នុងប្រទេសកម្ពុជា ដែលភាគច្រើនជាអ្នកជំនួញជោគជ័យ។ លោកបាន​បន្ថែម​ថាមាន​ក្រុមហ៊ុន​ម៉ាឡេស៊ី​ប្រហែល ៤០០ កំពុង​ប្រតិបត្តិការ​នៅ​កម្ពុជា៕freemalaysiantoday/Khmer Times

នាយករដ្ឋមន្ត្រី​ម៉ាឡេស៊ី​ ​លោក​ ​D​at​o' S​e​r​i​ ​An​war​ ​Bin​ ​I​br​a​him​។​ ​Be​rn​am​a/KhmerTimes​