ណាតូប្រ​កា​ស​ពីវឌ្ឍនភា​ពក្នុងការទ​ទួលយ​កហ្វាំងឡង់និ​ងស៊ុយអែត

អគ្គលេខាធិការអង្គការណាតូបាននិយាយថាលោកបានឃើញ"វឌ្ឍនភាព" មួយចំនួននៅក្នុងកិច្ចខិតខំប្រឹងប្រែងរបស់ប្រទេសហ្វាំងឡង់និងស៊ុយអែត ដើម្បីចូលរួមសម្ព័ន្ធភាពមុនពេលកិច្ចពិភាក្សាជាមួយទីក្រុងអង់ការ៉ា។អគ្គលេខាធិការអង្គការណាតូ លោក Jens Stoltenberg បាននិយាយក្នុងអំឡុងដំណើរទស្សនកិច្ចទៅកាន់ប្រទេសស៊ុយអែតកាលពីថ្ងៃទី ៧ខែមីនាថា"យើងកំពុងធ្វើឱ្យមានការរីកចម្រើន"ដោយបន្ថែមថា ការបញ្ចប់សមាជិកភាពនៃប្រទេសទាំង២គឺជា "អាទិភាពកំពូល" ។លោក Stoltenberg បាននិយាយថាប្រទេសស៊ុយអែត"បានអនុវត្ត" កិច្ចព្រមព្រៀងដែលបានចុះហត្ថលេខាជាមួយប្រទេសតួកគីកាលពីឆ្នាំមុន ដែលត្រួសត្រាយផ្លូវសម្រាប់កិច្ចខិតខំប្រឹងប្រែងដើម្បីចូលរួមជាមួយអង្គការណាតូ។លោក​បាន​ទទូច​ថា៖ «វា​ដល់​ពេល​ដើម្បី​បញ្ចប់​ដំណើរការ​អនុម័ត​ហើយ»។ការអត្ថាធិប្បាយរបស់ប្រមុខអង្គការណាតូបានធ្វើឡើងមុនកិច្ចចរចារវាងតួកគី និងប្រទេសទាំង២នៅទីស្នាក់ការកណ្តាលរបស់សម្ព័ន្ធភាពនៅទីក្រុងប្រ៊ុចសែលកាលពីថ្ងៃទី៩ខែមីនា។តួកគីធ្លាប់បានផ្អាកកិច្ចពិភាក្សាជាមួយស៊ុយអែត និងហ្វាំងឡង់ដោយកំហឹងចំពោះការតវ៉ាកាលពីខែមករារួមទាំងការដុតគម្ពីរកូរ៉ាននៅខាងក្រៅស្ថានទូតតួកគីក្នុងទីក្រុងស្តុកខុម(Stockholm)។កិច្ចចរចាត្រីភាគី២លើកមុននេះបានផ្តោតលើបញ្ជីនៃការទាមទាររបស់តួកគី ដែលរួមបញ្ចូលការបណ្តេញជនជាតិឃឺដរាប់សិបនាក់ដោយស៊ុយអែត ដែលជាក្រុមមួយនៅទីក្រុងអង់ការ៉ាចាត់ទុកថាជាភេរវករ។អគ្គលេខាធិការ Stoltenbergបានបដិសេធមិនធ្វើការប៉ាន់ស្មានលើលទ្ធផលនៃកិច្ចចរចាជុំថ្មីនៅសប្តាហ៍នេះទេ។ប្រទេសតួកគីបានចាកចេញពីការបើកចំហលទ្ធភាពនៃការទទួលយកហ្វាំងឡង់ចូលទៅក្នុងសម្ព័ន្ធភាពដោយមិនរាប់បញ្ចូលស៊ុយអែត។ មន្ត្រីអង្គការណាតូដំបូងឡើយបានច្រានចោលការបំបែកកិច្ចខិតខំប្រឹងប្រែងរបស់ប្រទេសទាំង២។ប៉ុន្តែបានទទួលយកកាន់តែខ្លាំងឡើងនូវលទ្ធភាពដែល Helsinkiអាចចូលរួមជាមុនសិន។បច្ចុប្បន្ន ប្រទេសតួកគីនិងហុងគ្រី គឺជាសមាជិកណាតូដែលនៅសេសសល់ចំនួន២ដែលមិនទាន់បានផ្តល់សច្ចាប័នលើពាក្យសុំនៃប្រទេសទាំង២ដើម្បីចូលរួម។លោក Stoltenberg ក៏សង្ឃឹមថាសភាហុងគ្រីនឹងបញ្ចប់ដំណើរការអនុម័ត "ក្នុងរយៈពេលខ្លី"។បន្ទាប់ពីជម្លោះអ៊ុយក្រែនបានផ្ទុះឡើងកាលពីចុងខែកុម្ភៈឆ្នាំមុន ស៊ុយអែត និងហ្វាំងឡង់បានសម្រេចចិត្តបោះបង់ចោលគោលនយោបាយដែលមានអាយុកាលរាប់ទសវត្សរ៍របស់ពួកគេដែលមិនមានសម្ព័ន្ធភាពយោធា ហើយបានដាក់ពាក្យចូលជាសមាជិកណាតូក្នុងខែឧសភា៕យោងតាមAFP

អគ្គលេខាធិការអង្គការណាតូ លោក Jens Stoltenberg (កណ្តាល) ជាមួយរដ្ឋមន្ត្រីការបរទេសហ្វាំងឡង់និងស៊ុយអែតនៅទីស្នាក់ការកណ្តាលរបស់អង្គការណាតូនៅទីក្រុងប្រ៊ុចសែលប្រទេសបែលហ្សិកក្នុងខែកក្កដាឆ្នាំ២០២២។ រូបថត៖Reuters។