សារឆ​បោកផ្ញើទៅ​​នា​​យករដ្ឋមន្ត្រីកម្ពុជា​​“មិនប្រាកដ​ថាមាន​ប្រភព​មកពី”​តៃវ៉ា​ន់នោះ​​ទេ

 ការិយាល័យស៊ើបអង្កេតឧក្រិដ្ឋកម្មនៅទីក្រុងតៃប៉ិបាននិយាយថាសារឆរបោកដែលផ្ញើទៅសម្តេចនាយករដ្ឋមន្ត្រី ហ៊ុនសែនដែលមានលេខអាស័យដ្ឋានមកពីតៃវ៉ាន់ គឺមិនប្រាកដថាមានប្រភពមកពីតៃវ៉ាន់នោះទេ។យោងតាមកាសែត Cambodia ChinaTimesមានគណនីTelegramដែលប្រើប្រាស់រូបថតពាណិជ្ជករជាជនជាតិខ្មែរដ៏ល្បីមួយរូបបានផ្ញើសារទៅសម្តេចនាយករដ្ឋមន្រ្តី ហ៊ុន សែន ជាភាសាអង់គ្លេសកាលពីយប់ថ្ងៃអាទិត្យដោយស្នើឱ្យសម្តេចផ្ញើប្រាក់ទៅក្នុងគណនីធនាគារដែលមិនធ្លាប់ស្គាល់មួយ។របាយការណ៍បានអោយដឹងទៀតថា បន្ទាប់ពីស៊ើបអង្កេតលើបញ្ហានេះសម្តេចនាយករដ្ឋមន្រ្តី ហ៊ុន សែន ត្រូវបានគេជម្រាបជូនថាទោះបីជាសារនេះត្រូវបានផ្ញើពីលេខទូរស័ព្ទដែលមានមូលដ្ឋាននៅប្រទេសឡាវក៏ដោយក៏គណនីTelegramត្រូវបានគ្រប់គ្រងដោយជនមិនស្គាល់មុខនៅតៃវ៉ាន់។នៅពេលសាកសួរអំពីបញ្ហានេះកាលពីថ្ងៃអង្គារ លោក Lee Yang-chi ប្រធានផ្នែកកិច្ចការឧក្រិដ្ឋកម្មអន្តរជាតិរបស់ CIB បានប្រាប់ CNA ថាដោយសារតែអ្នកឆរបោកជាញឹកញាប់ផ្ញើសារដោយប្រើប្រព័ន្ធIP​proxy ដើម្បីលាក់ទីតាំងរបស់ខ្លួន អ្នកដែលផ្ញើសារគឺ “មិនប្រាកដថា”នៅតៃវ៉ាន់នោះទេ។លោក Lee បាន​បន្ត​ថា ទោះ​ជា​យ៉ាង​ណាទាក់​ទង​នឹង​បញ្ហា​នេះ តំណាង​ទីភ្នាក់ងារ​នគរបាល​ជាតិ​តៃវ៉ាន់ដែល​មាន​មូលដ្ឋាន​នៅ​ប្រទេស​វៀតណាមបាន​ស្នើ​ឲ្យ​សមភាគី​កម្ពុជា​ផ្តល់​ភស្តុតាង​ដើម្បី​ជួយ​សហការក្នុង​ការ​ស៊ើប​អង្កេត៕Focus Taiwan/KhmerTimes

សម្តេច​នាយក​រដ្ឋមន្ត្រីហ៊ុន សែន អញ្ជើញ​ទៅ​ចូលរួម​កិច្ច​ប្រជុំ​ថ្នាក់​ដឹកនាំ​អាស៊ាន​នៅ​ទីក្រុង​ប្រ៊ុចសែល ប្រទេស​បែលហ្សិក នៅ​ខែ​តុលា ឆ្នាំ​២០១៨។ រូបថត៖ Reuters។