នាយករដ្ឋមន្រ្តីកម្ពុជាស្នើឱ្យប្រទេសជិតខាងរួមគ្នាចុះបញ្ជីក្បាច់គុនរបស់ខ្លួនទៅក្នុងបញ្ជីបេតិកភណ្ឌអរូបីរបស់អង្គការយូណេស្កូ
សម្តេចហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបានផ្តល់អនុសាសន៍ឱ្យក្រសួងវប្បធម៌និងវិចិត្រសិល្បៈសហការជាមួយប្រទេសជិតខាង ក្នុងការចុះបញ្ជីសិល្បៈក្បាច់គុនរបស់ពួកគេទៅក្នុងបញ្ជីបេតិកភណ្ឌវប្បធម៌អរូបីនៃអង្គការយូណេស្កូ។សម្តេចនាយករដ្ឋមន្ត្រីកម្ពុជាបានផ្តល់អនុសាសន៍បែបនេះបន្ទាប់ពីមានការជជែកវែកញែករកខុសត្រូវគ្នាដែលកំពុងកើតឡើងជុំវិញកម្មសិទ្ធិដើមនៃគុនខ្មែរនិង Muay Thai របស់ប្រទេសថៃ។សម្តេចបានបន្តថា៖«មិនចាំបាច់មានជម្លោះលើកម្មសិទ្ធិអីទេ»ដោយបន្ថែមថាពេលកម្ពុជាធ្វើជាម្ចាស់ផ្ទះប្រកួតកីឡានេះគេហៅថាគុនខ្មែរហើយពេលប្រកួតនៅប្រទេសថៃអាចហៅថា Muay Thai ឬ Muay Lao “ទៅតាមទីកន្លែងប្រកួតក្នុងប្រទេសទាំងនោះ។សម្តេចនាយករដ្ឋមន្ត្រីកម្ពុជាបានថ្លែងថាលោកបានលើកបញ្ហានេះជាមួយសមភាគីថៃនិងឡាវក្នុងអំឡុងពេលនៃជំនួបនាពេលថ្មីៗនេះ។កាលពីពេលថ្មីៗនេះ ប្រទេសថៃបានសម្រេចចិត្តធ្វើពហិការមិនចូលរួមប្រកួតកីឡាគុនខ្មែរក្នុងព្រឹត្តិការណ៍កីឡាស៊ីហ្គេមនាពេលខាងមុខនៅប្រទេសកម្ពុជាដោយសារកម្ពុជាបានប្រើពាក្យគុនខ្មែរ ជំនួសអោយ Muay Thai ។ករណីដូចគ្នាទៅនឹងពាក្យសង្ក្រាន្ត (អបអរបុណ្យចូលឆ្នាំថ្មី) លោកនាយករដ្ឋមន្រ្តីបានពន្យល់ថា កម្ពុជា ឡាវ មីយ៉ាន់ម៉ា និងថៃ អាចដាក់ពាក្យសុំចុះឈ្មោះរួមគ្នានៅអង្គការយូណេស្កូបាន ទោះបីជាពួកគេប្រារព្ធពិធីដោយឡែកពីគ្នាក៏ដោយ៕AKP/KhmerTimes
/unnamed.png
Post a Comment