នាយ​ករ​ដ្ឋមន្ត្រីហ៊ុន​សែ​​ន​អំពាវនាវឱ្យមានកា​រ​​យកចិត្តទុកដាក់ចំ​​ពោះជំងឺមិនឆ្លងនា​នា

 សម្តេចនាយក​រដ្ឋមន្ត្រី ហ៊ុន សែនកាលពី​ម្សិលមិញ​បាន​អំពាវនាវ​ជាថ្មី​ឲ្យ​យកចិត្តទុកដាក់​ចំពោះ​ជំងឺ​មិន​ឆ្លងនានា(noncommunicable diseases, NCDs)។ជាពិសេស​ជំងឺ​ទឹកនោមផ្អែម​។ក្នុង​សុន្ទរកថា​ក្នុង​ពិធី​បិទ​សន្និបាត​ក្រសួងសុខាភិបាល​លើក​ទី​៤២ នៅ​រាជធានី​ភ្នំពេញ សម្តេចហ៊ុន សែន បាន​ថ្លែង​ថា ជំងឺ​ទឹកនោមផ្អែម​អាច​ជា​កង្វល់​មួយ​ដោយសារ​មាន​ភេសជ្ជៈ​ប៉ូវ​កម្លាំង​ជាច្រើនមុខត្រូវ​បាន​នាំ​ចូល​មក​កម្ពុជា។សម្តេចបានគូសបញ្ជាក់ថា “ខ្ញុំសូមក្រើនរំលឹកដល់ប្រជាពលរដ្ឋអំពីបញ្ហានេះ។ជាពិសេសតារាចម្រៀងមួយចំនួនដែលតែងតែផ្សព្វផ្សាយភេសជ្ជៈប៉ូវកម្លាំងផ្សេងៗ។ថ្ងៃមួយ គេអញ្ជើញឱ្យផ្សព្វផ្សាយម៉ាកយីហោមួយ ហើយថ្ងៃស្អែកម៉ាកមួយទៀត ហើយពួកគេតែងតែភ្លក្សរសជាតិវាដែលអាចនាំឱ្យកើតជំងឺទឹកនោមផ្អែម»។“សូមប្រយ័ត្នសុខភាពគឺសំខាន់ណាស់”នាយករដ្ឋមន្ត្រីបានឆ្លៀតឱកាសរំលឹកដល់មន្ត្រីពាក់ព័ន្ធត្រូវចុះត្រួតពិនិត្យរាល់ទំនិញដែលនាំចូលមកកម្ពុជា ជាពិសេសម្ហូបអាហារ និងថ្នាំពេទ្យ។ សម្តេចថ្លែង​ថា​៖ «​ការ​ត្រួត​ពិនិត្យ​ត្រូវ​តែ​ច្បាស់លាស់ យើង​មិន​អាច​អនុញ្ញាត​ឲ្យ​ពលរដ្ឋ​ខ្មែរ ត្រូវបានគេធ្វើតេស្តថ្នាំ ​ពី​ប្រទេស​ផ្សេង​នោះ​ទេ។យោងតាមអង្គការសុខភាពពិភពលោក (WHO) ករណីជំងឺទឹកនោមផ្អែមហាក់មានការកើនឡើងនៅក្នុងប្រទេសកម្ពុជា។ ប្រជាជនកម្ពុជាជាង ៤៣០,០០០នាក់ ដែលមានអាយុពី២០ដល់ ៧៩ឆ្នាំ កំពុងរស់នៅជាមួយជំងឺទឹកនោមផ្អែម ខណៈដែលចំនួនអ្នកស្លាប់ដោយសារជំងឺនេះបានកើនឡើងដល់ ៣,៣៦២នាក់ ឬប្រហែល ៣.៧៥ភាគរយ នៃចំនួនអ្នកស្លាប់ប្រចាំឆ្នាំ៕AKP/Khmer Times