នាយក​រដ្ឋ​ម​ន្រ្តី​ថ្លែង​​សារ​ជូន​ពរ​ជ័យ​ដល់​​សាស​និក​ឥស្លាម​

សម្តេចនាយក​រដ្ឋ​ម​ន្រ្តី ​ហ៊ុន​ ​សែន​ ​នាយ​ប់​ថ្ងៃ​ទី​២​២​ ​ខែ​មីនា​ ​បាន​ថ្លែង​សារ​ជូនពរ​ជ័យ​ដល់​សាសនិក​ឥស្លាម​ទាំងអស់​ចំពោះ​ការ​ចូល​មកដល់​នូវ​ខែ​រ៉​ម៉ា​ឌ​ន​ឬ​ការ​ចាប់ផ្តើម​ចូល​ខែ​បួស​របស់​ពួកគេ​។​ ​ក្នុង​នោះ​សម្តេច ​ក៏​ប្រកាស​ពី​ការ​ត្រៀម​ចូលរួម​ពិសា​រ​អាហារ​ស្រាយ​បួស​ជាមួយ​ពួកគេ​ផង​ដែរ​ ​បន្ទាប់ពី​ខកខាន​ ​ដោយសារ​ជំងឺ​កូ​វី​ដ​១​៩​។​សាសនិក​ឥស្លាម​នៅ​កម្ពុជា​ ​ចាប់ផ្តើម​ខែ​រ៉​ម៉ា​ឌ​ន​ពី​ថ្ងៃ​ទី​២​៣​ ​មីនា​ ​តទៅ​ ​បន្ទាប់ពី​ឃើញ​ខ្នើត​នា​ល្ងាច​ថ្ងៃ​ទី​២​២​។​ ​ក្រៅពី​អបអរ​ហើយ​នោះ​ ​សម្តេចនាយក​រដ្ឋ​ម​ន្រ្តី ​បាន​ផ្ញើ​ក្ដី​នឹក​រ​ឭ​ក​ ​និង​អរគុណ​ដល់​បងប្អូន​ខ្មែរឥស្លាម​ទាំងអស់​ ​ដែល​ជានិច្ចកាល​មាន​ជំនឿ​លើ​ការ​​​ដឹកនាំ​របស់​សម្តេច ​ក៏ដូចជា​បក្ស​ប្រជាជន​កម្ពុជា​។​សម្តេចសរសេរ​ក្នុង​បណ្ដាញ​សង្គម​ដូច្នេះ​ថា​៖​«​ ​ជាមួយគ្នា​នេះ​ដែរ​ ​បន្ទាប់ពី​បាន​ខកខាន​រយៈពេល​៣​ឆ្នាំ​ ​កន្លងមក​ដោយសារ​ជំងឺ​កូ​វី​ដ​-​១​៩​ ​ឆ្នាំនេះ​ ​រាជរដ្ឋាភិបាល​ ​នឹង​រៀបចំ​ឡើងវិញ​ ​នូវ​ពិធី​ជួបជុំ​ពិសា​អាហារ​ ​ស្រាយ​បួស​ ​ខែ​រ៉ា​ម៉ា​ឌ​ន​ ​របស់​សាសនិក​ឥស្លាម​កម្ពុជា​ ​ថ្នាក់​ជាតិ​លើក​ទី​៧​ ​ឆ្នាំ​២​០​២​៣​ ​ដែល​មាន​ការរៀបចំ​ ​អ្នកចូលរួម​ប្រមាណ​ជាង​៦​១​០​០​នាក់​»​។​សម្តេចហ៊ុន​ ​សែន​ ​បញ្ជាក់​ថា​ ​ឆ្នាំនេះ​ ​នឹង​មាន​មិត្ត​ភក្ដិ​បរទេស​បាន​មក​ចូលរួម​ក្នុង​និង​ក្រៅ​ប្រទេស​ប្រមាណ​ជាង​ ​៥​០​០​ ​នាក់​ ​ពិសេស​នាយក​រដ្ឋ​ម​ន្រ្តី​ម៉ាឡេស៊ី​ ​D​at​uk S​e​r​i​ ​An​war​ ​I​br​a​him​។​ ​ពិធី​នេះ​ធ្វើឡើង​នៅ​ថ្ងៃ​ទី​២​៧​ ​ខែ​មីនា​ ​នាសា​ល​សន្និបាត​ ​និង​ពិព័រណ៍​កោះ​ពេជ្រ​៕​KhmerTimes