ប្រទេសចិ​ន​ផ្តល់​រថ​​យន្ត​សង្គ្រោះ​ចំនួន​​​១​៦​គ្រឿងនិងគ្រឿងប​​រិក្ខារ​វេជ្ជសាស្រ្តផ្សេងទៀត​​ដល់​​កម្ពុជា​

កាលពី​ថ្ងៃ​ចន្ទប្រទេស​ចិន​​បាន​ផ្តល់​រថយន្ត​សង្គ្រោះ​ចំនួន១៦គ្រឿង និងគ្រឿងបរិក្ខារ​វេជ្ជសាស្រ្តផ្សេងទៀត​ដល់​កម្ពុជា​។សេចក្តីប្រកាសព័ត៌មានរបស់ក្រសួងសុខាភិបាលឯកអគ្គរដ្ឋទូតចិនប្រចាំកម្ពុជា លោក Wang Wentian បានប្រគល់អំណោយជូនលោកម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជានៅក្នុងពិធីមួយដែលធ្វើឡើងនៅក្រសួងសុខាភិបាលក្នុងរាជធានីភ្នំពេញ។លោករដ្ឋមន្រ្តី ម៉ម ប៊ុនហេង បានថ្លែងអំណរគុណចំពោះរដ្ឋាភិបាលនិងប្រជាជនចិននូវអំណោយទាំងនេះ។លោកបានបន្តទៀតថា“រថយន្តសង្គ្រោះនិងឧបករណ៍វេជ្ជសាស្ត្រទាំងនេះនឹងចូលរួមចំណែកបន្ថែមទៀតក្នុងការពង្រឹងសមត្ថភាពរបស់គ្រឹះស្ថានសុខាភិបាលរបស់យើងដើម្បីឆ្លើយតបទៅនឹងតម្រូវការសម្រាប់សេវាថែទាំសុខភាពកាន់តែមានគុណភាព ប្រសិទ្ធភាពនិងសុវត្ថិភាព”។លោក Wang បាននិយាយថា រថយន្តសង្គ្រោះនិងគ្រឿងបរិក្ខារវេជ្ជសាស្រ្តនឹងរួមចំណែកក្នុងការផ្តល់សេវាថែទាំសុខភាពកាន់តែប្រសើរឡើងដល់អ្នកជំងឺនៅកម្ពុជា៕Xinhua/Khmer Times