គណបក្សភ្លើងទៀនរិះរកយុទ្ធសាស្ត្រថ្មី តែមិនដូរគោលដៅ
គណបក្សភ្លើងទៀនដែលត្រូវបានគេមើលឃើញថាកំពុងរងសម្ពាធផ្ទួនៗគ្នា ខណៈសមាជិក៣រូបបន្ថែមទៀតត្រូវបានចាប់ខ្លួននិងមេដឹកនាំចំនួន២រូប កំពុងជាប់បណ្តឹងនៅតុលាការនោះបានកោះប្រជុំគណៈកម្មាធិការនាយករបស់ខ្លួនកាលពីម្សិលមិញ។ទោះលទ្ធផលនៃកិច្ចប្រជុំ នេះមិនអាចនិយាយចេញជាសាធារណៈ តែគណបក្សជំទាស់ដែលមានសក្តានុពលនេះ បានរិះរកយុទ្ធសាស្ត្រថ្មីដើម្បីបន្តដំណើរទៅមុខ តែមិនដូរគោលដៅឡើយ។គណបក្សភ្លើងទៀន នៅតែរក្សាជំហរដដែល គឺហ៊ាននិយាយការពិតពីបញ្ហាសង្គមរបស់កម្ពុជាដែលប៉ះពាល់ដល់ប្រយោជន៍ជាតិ។ នេះគឺជាការអះអាងរបស់លោក រ៉ុង ឈុន អនុប្រធានគណបក្សភ្លើងទៀន ប្រាប់វិទ្យុបារាំងអន្តរជាតិRFI នៅថ្ងៃទី២៨មីនា។បើតាមអនុប្រធានគណបក្សភ្លើងទៀនរូបនេះ ទោះលទ្ធផលនៃកិច្ចប្រជុំ គណៈកម្មាធិការនាយកនេះ មិនអាចនិយាយចេញជាសាធារណៈ តែគណបក្សជំទាស់ដែលមានសក្តានុពលនេះ បានរិះរកយុទ្ធសាស្ត្រថ្មី ដើម្បីបន្តដំណើរទៅមុខ តែមិនដូរគោលដៅឡើយ។ការកោះប្រជុំគណៈកម្មាធិការនាយកនៃគណបក្សភ្លើងទៀន គឺខណៈដែលត្រូវបានគេមើលឃើញថាកំពុងរងសម្ពាធផ្ទួនៗគ្នា ដោយសារតែសមាជិក៣រូបបន្ថែមទៀតត្រូវបានចាប់ខ្លួន និងមេដឹកនាំចំនួន២រូប កំពុងជាប់បណ្តឹងនៅតុលាការ។លោក តូច ថឹង ប្រធានគណៈកម្មាធិការប្រតិបត្តិគណបក្ស ភ្លើងទៀនខេត្តកំពង់ចាមលោកខឿនវីរ៉ាត់ប្រធានចលនាយុវជនគណបក្សថ្នាក់ជាតិនិងជាអនុប្រធានក្រុមការងារគណបក្ស ភ្លើងទៀន ខេត្តស្វាយរៀង និងលោកស្រី នូ សិទ្ធារី អនុប្រធានចលនាស្ត្រីគណបក្សថ្នាក់ជាតិ ត្រូវបានចាប់ខ្លួននៅថ្ងៃទី២៤មីនា។ការចាប់ខ្លួននេះត្រូវបានតុលាការចោទប្រកាន់ថាពាក់ព័ន្ធនឹងការក្លែងបន្លំស្នាមមេដៃសុំបង្កើតគណបក្សបេះដូងជាតិរបស់ លោក សៀម ភ្លុក។ លោក សៀម ភ្លុក ដែលកំពុងជាប់ពន្ធនាគារត្រូវបានតុលាការក្រុងភ្នំពេញប្រកាសសាលក្រមផ្តន្ទាទោស២ឆ្នាំ៦ខែនិងពិន័យជាប្រាក់៥លានរៀលពី បទ ក្លែង បន្លំនិង បទ ប្រើប្រាស់ ឯកសារ រួមទាំងមនុស្ស ១២ ទៀត។ ក្រោយប្រកាសសាលក្រមនេះ សមាជិកជាន់ខ្ពស់៣រូបទៀតរបស់គណបក្សភ្លើងទៀន គឺលោក តូច ថឹង លោក ខឿន វីរ៉ាត់ និងលោកស្រី នូ សិទ្ធារី ក៏ត្រូវបានចាប់ខ្លួនដែរ ខណៈលោក ថាច់ សេដ្ឋា ជាអនុប្រធានគណបក្សកំពុងជាប់ពន្ធនាគារ គ្រាដែល លោក សុន ឆ័យ ជាអនុប្រធានបក្សភ្លើងទៀនដែលមានគីឡូធ្ងន់ជាប់បណ្តឹងក្រោមសំណងជំងឺចិត្ត១លានដុល្លារដោយគណបក្សប្រជាជនកម្ពុជា៕RFI
លោករ៉ុង ឈុនត្រូវបានជាប់ឆ្នោតជាអនុប្រធានគណបក្សភ្លើងទៀនដែលការជ្រើសរើសនេះធ្វើឡើងក្នុងខេត្តសៀមរាប កាលពីថ្ងៃទី១១ ខែកុម្ភៈ ឆ្នាំ២០២៣។ ខេមបូចា/ស៊ន សារ៉ាត
/unnamed.png
Post a Comment