នាយករដ្ឋមន្ត្រីហ៊ុន សែននឹងធ្វើដំណើរទៅចូលរួមកិច្ចប្រជុំកំពូលគណៈកម្មការទន្លេមេគង្គលើកទី៤នៅប្រទេសឡាវ
សម្តេចនាយករដ្ឋមន្ត្រី ហ៊ុន សែននឹងចូលរួមកិច្ចប្រជុំកំពូលលើកទី៤ នៃគណៈកម្មការទន្លេមេគង្គ (MRC) នៅសាធារណរដ្ឋប្រជាធិបតេយ្យប្រជាមានិតឡាវ នៅសប្តាហ៍ក្រោយតបតាមការអញ្ជើញរបស់សមភាគីឡាវ លោក Sonexay SIPHANDONE។កិច្ចប្រជុំកំពូលនេះនឹងប្រព្រឹត្តទៅនៅថ្ងៃទី៥ ខែមេសា នៅទីក្រុងវៀងច័ន្ទ ក្រោមមូលបទ “នវានុវត្តន៍ និងកិច្ចសហប្រតិបត្តិការសម្រាប់ទន្លេមេគង្គប្រកបដោយសុវត្ថិភាពនិងនិរន្តរភាព“។យោងតាមសេចក្តីប្រកាសព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិកម្ពុជា កិច្ចប្រជុំកំពូលនេះនឹងពិនិត្យមើលវឌ្ឍនភាព និងសមិទ្ធផលសំខាន់ៗរបស់គណៈកម្មការទន្លេមេគង្គ ដែលបានធ្វើឡើងតាមរយៈការពង្រឹងកិច្ចខិតខំប្រឹងប្រែងរួមគ្នា និងភាពជាដៃគូឆ្ពោះទៅសម្រេចបាននូវគោលដៅអភិវឌ្ឍន៍ប្រកបដោយចីរភាពនៅក្នុងអាងទន្លេមេគង្គចាប់តាំងពីឆ្នាំ កិច្ចប្រជុំកំពូលគណៈកម្មការទន្លេមេគង្គលើកទី៣ ឆ្នាំ២០១៨ នៅកម្ពុជា និងពិភាក្សាអំពីបញ្ហាប្រឈមដែលកំពុងកើតមាននៅក្នុងអាងទន្លេមេគង្គ ដោយកំណត់ទិសដៅយុទ្ធសាស្ត្រនាពេលអនាគត ដើម្បីរួមគ្នាដោះស្រាយបញ្ហាប្រឈមនៃអាងទន្លេឱ្យកាន់តែមានប្រសិទ្ធភាព ក៏ដូចជាការជំរុញកិច្ចសហប្រតិបត្តិការក្នុងតំបន់ និងភាពជាដៃគូសម្រាប់ទន្លេមេគង្គប្រកបដោយនិរន្តរភាព។សម្តេចនាយករដ្ឋមន្ត្រីនឹងត្រូវអមដំណើរដោយ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណៈកម្មាធិការជាតិមេគង្គកម្ពុជា លោក សាយ សំអាល់ រដ្ឋមន្ត្រីក្រសួងបរិស្ថាន ព្រមទាំងមន្ត្រីជាន់ខ្ពស់រាជរដ្ឋាភិបាលកម្ពុជាជាច្រើនរូបទៀត៕AKP/KhmerTimes
សម្តេចនាយករដ្ឋមន្ត្រី ហ៊ុន សែន។រូបភាពReuters
/unnamed.png
Post a Comment