កម្ពុជា​បញ្ជាក់​ពីតួនាទី​​របស់A​SEMក្នុងកា​រ​លើ​កកម្ពស់សន្តិភាព​​​និងការអភិវឌ្ឍន៍ពហុ​​ភាគីនិយម

រដ្ឋមន្ត្រីការបរទេសកម្ពុជា លោក ប្រាក់ សុខុន បានលើកឡើងពីសារៈសំខាន់នៃកិច្ចប្រជុំអាស៊ី-អឺរ៉ុប (ASEM) ក្នុងការលើកកម្ពស់សន្តិភាព សន្តិសុខ ការតភ្ជាប់ ការអភិវឌ្ឍន៍ និងពហុភាគីនិយមនៅក្នុងទ្វីបទាំង២។លោកបានមានប្រសាសន៍នៅក្នុងសារមួយដើម្បីប្រារព្ធទិវា ASEM (ថ្ងៃទី១ ខែមីនា) ថា ក្នុងរយៈពេល ២៧ឆ្នាំកន្លងមកនេះASEMបានបង្កើតវេទិកាដ៏សំខាន់មួយដែលមានបេសកកម្មរក្សាសន្តិភាពនិងសន្តិសុខក៏ដូចជាការលើកកម្ពស់ការតភ្ជាប់ និងការអភិវឌ្ឍន៍សម្រាប់ទ្វីបទាំង២។លោករដ្ឋមន្ត្រីបានមានប្រសាសន៍ថាវេទិកានេះក៏បានបម្រើការជាវេទិកាកម្រិតខ្ពស់សម្រាប់ការជំរុញកិច្ចសន្ទនាដើម្បីបង្កើនពហុភាគីនិយមក្នុងស្មារតីនៃការឯកភាពគ្នា ផលប្រយោជន៍ទៅវិញទៅមកនិងការគោរពក្នុងការដោះស្រាយបញ្ហាអន្តរតំបន់ និងបញ្ហាប្រឈមជាសកល។លោករដ្ឋមន្ត្រីក៏បានជំរុញឱ្យ ASEMធ្វើសកម្មភាពរួមគ្នាដើម្បីពង្រឹងកិច្ចសហប្រតិបត្តិការរបស់ខ្លួនឱ្យកាន់តែស៊ីជម្រៅដើម្បីស្វែងរកដំណោះស្រាយប្រកបដោយនិរន្តរភាពបន្ថែមទៀតដើម្បីឱ្យទ្វីបទាំង២អាចរក្សាបាននូវដំណើរឆ្ពោះទៅរកអនាគតដ៏រឹងមាំសម្រាប់មនុស្សជំនាន់ក្រោយ។លោក ប្រាក់ សុខុន បានកត់សម្គាល់ថា សម្រាប់ប្រទេសកម្ពុជាASEMគឺជាវេទិកាពហុភាគីពាក់ព័ន្ធនៃកិច្ចសន្ទនា ដោយបញ្ជាក់ជាថ្មីពីការត្រៀមខ្លួន និងការចូលរួមយ៉ាងសកម្មរបស់កម្ពុជា ដើម្បីធ្វើការ និងសហការជាមួយសមាជិក ASEM និងភាគីពាក់ព័ន្ធទាំងអស់ ដើម្បីសម្រេចបាននូវគោលដៅដ៏ថ្លៃថ្លានៃសន្តិភាព និងវិបុលភាព ដូចដែលបានកំណត់ដោយមេដឹកនាំ ASEM និង ដើម្បីនាំមកនូវភាពរស់រវើកឡើងវិញនៅក្នុងដំណើរការ ASEM ។ASEM ដែលបង្កើតឡើងក្នុងឆ្នាំ ១៩៩៦ ដោយមានដៃគូចំនួន៥៣ ដែលក្នុងនោះមានប្រទេសអាស៊ីចំនួន ២១ ប្រទេសអឺរ៉ុបចំនួន៣០ លេខាធិការដ្ឋាននៃសមាគមប្រជាជាតិអាស៊ីអាគ្នេយ៍ (អាស៊ាន) និងសហភាពអឺរ៉ុប។ថ្ងៃទី១ ខែមីនា គឺជាទិវា ASEM ដែលប្រារព្ធធ្វើឡើងដើម្បីអបអរពីសារសំខាន់នៃការតភ្ជាប់ទ្វីបទាំង២ដោយផ្អែកលើគោលការណ៍នៃភាពជាដៃគូស្មើគ្នា និងការគោរពគ្នាទៅវិញទៅមក៕VNA/Khmer Times 

រដ្ឋមន្ត្រីការបរទេសកម្ពុជា លោក ប្រាក់ សុខុន ។រូបភាពCPP