នាយក​រដ្ឋ​មន្រ្តីកម្ពុជាអំពាវ​​នាវឱ្យ​យកចិត្តទុក​ដាក់​​ជំរុញ​វិស័យ​​ទេសចរណ៍​

 សម្តេចនាយក​រដ្ឋមន្ត្រី ហ៊ុន សែនកាលពី​ម្សិលមិញបាន​អំពាវនាវ​ឲ្យ​ភាគី​ពាក់ព័ន្ធ​ទាំងអស់​យកចិត្តទុកដាក់​ខ្ពស់និង​ប្រឹងប្រែង​ឲ្យ​អស់ពី​សមត្ថភាព​ដើម្បី​ជំរុញ​វិស័យ​ទេសចរណ៍​របស់​ប្រទេស​។ថ្លែងក្នុងពិធីអបអរសាទរទិវាជាតិទីក្រុងស្អាត លើកទី១១ ឆ្នាំ២០២៣ ដែលធ្វើឡើងនៅសណ្ឋាគារសុខាភ្នំពេញក្រោមប្រធានបទ «ទីក្រុងស្អាត បដិសណ្ឋារកិច្ចល្អ ម្ចាស់ផ្ទះកម្ពុជាផ្តល់ភាពកក់ក្តៅ» រួមជាមួយនឹងពិធីប្រគល់ពានរង្វាន់ទីក្រុងស្អាតលើកទី៣សម្តេចនាយករដ្ឋមន្រ្តី ហ៊ុន សែនបានថ្លែងថាវិស័យទេសចរណ៍នៅតែជាសសរស្តម្ភសំខាន់សម្រាប់សេដ្ឋកិច្ចជាតិ។សម្តេចបានបន្តថា “នៅពេលដែលមានភ្ញៀវទេសចរមកកាន់តែច្រើន ប្រទេសជាតិនិងប្រជាជនរបស់យើងនឹងទទួលបានប្រាក់ចំណូលកាន់តែច្រើន” សម្តេចបានបន្ថែមថាទេសចរណ៍ក៏អាចផ្តល់អត្ថប្រយោជន៍ចាប់ពីថ្នាក់មូលដ្ឋានឡើងផងដែរ។សម្តេចនាយករដ្ឋមន្ត្រីបានសង្កត់ធ្ងន់ថា“ប្រជាជនរបស់យើងអាចលក់ដូង ផ្លែឈើ និងសេវាកម្មផ្សេងៗដល់ភ្ញៀវទេសចរ ។ប៉ុន្តែយើងត្រូវធានានូវបដិសណ្ឋារកិច្ចល្អ សន្តិសុខ អនាម័យល្អ រមណីយដ្ឋានស្អាត បរិស្ថានល្អ ព្រៃឈើ និងសត្វព្រៃកាន់តែច្រើន…” ។«យើង​ត្រូវ​ប្រាកដ​ថា​គេ​មកកម្សន្តប្រទេសយើងមក​ម្ដង​ទៀត​ដោយយក​មិត្តភ័ក្ដិឬ​សមាជិក​ក្រុម​គ្រួសារមកជាមួយ»។សម្តេចក៏បានបន្តអំពាវនាវដល់សាធារណជន យកចិត្តទុកដាក់ខ្ពស់ ចំពោះផលប៉ះពាល់នៃកាកសំណល់ប្លាស្ទិកនៅក្នុងសមុទ្រ និងប្រភពទឹកផ្សេងទៀត។កម្ពុជា​ត្រូវ​បាន​គេ​រំពឹង​ថា​នឹង​ទាក់ទាញ​ភ្ញៀវ​ទេសចរ​បរទេស​ប្រមាណ​៤​លាន​នាក់ និង​អ្នកទេសចរ​ក្នុងស្រុក​ប្រមាណ​១៥​លាន​នាក់​ក្នុង​ឆ្នាំ​នេះ។ក្នុង​ឆ្នាំ​២០២២ ​កម្ពុជា​បាន​ចុះបញ្ជី​ភ្ញៀវ​អន្តរជាតិ​ប្រមាណ​២,២៨​លាន​នាក់ កើនឡើង​យ៉ាង​ខ្លាំង​១.០៥៩% បើ​ធៀប​នឹង​ឆ្នាំ​២០២១៕AKP/Khmer Times