រុស្ស៊ីព្រ​មានថាអ៊ុយក្រែនទាំ​ងអស់នឹង​ឆេះ

អនុប្រធានក្រុមប្រឹក្សាសន្តិសុខរុស្ស៊ីលោកDmitryMedvedevបានព្រមានថាការបន្តផ្គត់ផ្គង់អាវុធទំនើបៗដល់អ៊ុយក្រែនដោយសហរដ្ឋអាមេរិកនឹងបង្ខំឱ្យទីក្រុងម៉ូស្គូឆ្លើយតបហើយបន្ទាប់មក"អ៊ុយក្រែនទាំងមូលនឹងឆេះ"។"នឹងមិនមានការចរចាក្នុងករណីនេះទេមានតែការវាយប្រហារសងសឹក។ អ៊ុយក្រែនទាំងមូលនឹងត្រូវឆេះ។ យើងអាចឆ្លើយតបបានច្រើនយ៉ាង។ ប្រធានាធិបតី (Vladimir Putin) បានបញ្ជាក់" ។អនុប្រធានក្រុមប្រឹក្សាសន្តិសុខជាតិរុស្ស៊ី Dmitry Medvedev បានធ្វើអត្ថាធិប្បាយលើTelegramកាលពីថ្ងៃទី៤ខែកុម្ភៈនៅពេលព្រមានអំពីផលវិបាករបស់បស្ចិមប្រទេសជាពិសេសអាមេរិកដែលបន្តផ្គត់ផ្គង់អាវុធទំនើបៗដល់អ៊ុយក្រែន។លោកបានពន្យល់ថារុស្ស៊ីមិនកំណត់វិធីសាស្ត្រឆ្លើយតបនោះទេអាស្រ័យលើលក្ខណៈនៃការគំរាមកំហែងនោះ រុស្ស៊ីអាចប្រើប្រាស់សព្វាវុធទាំងអស់ “តាមគោលលទ្ធិយោធារួមទាំងគោលការណ៍ជាមូលដ្ឋាននៃការទប់ស្កាត់នុយក្លេអ៊ែរ”។លោកMedvedevបានសង្កត់ធ្ងន់ថា"ខ្ញុំធានាថាការឆ្លើយតបនឹងមានភាពរហ័សរហួនរឹងមាំនិងសម្រេចចិត្ត"។នៅក្រោមគោលលទ្ធិនុយក្លេអ៊ែរទីក្រុងម៉ូស្គូអាចប្រើប្រាស់អាវុធនុយក្លេអ៊ែរបានប្រសិនបើភាគីម្ខាងទៀតប្រើប្រាស់អាវុធនុយក្លេអ៊ែរឬអាវុធប្រល័យលោកផ្សេងទៀតប្រឆាំងនឹងរុស្ស៊ីនិងសម្ព័ន្ធមិត្តឬនៅពេលដែលអត្ថិភាពរបស់រុស្ស៊ីត្រូវបានគំរាមកំហែង។នៅពេលសួរថាតើការប្រើប្រាស់អាវុធចម្ងាយឆ្ងាយរបស់អ៊ុយក្រែនអាចបង្ខំរុស្ស៊ីឱ្យត្រឡប់ទៅតុចរចាជាមួយក្រុងគៀវឬអត់លោកMedvedevបាននិយាយថា“លទ្ធផលនឹងផ្ទុយស្រឡះ”។ការអត្ថាធិប្បាយរបស់លោកMedvedevធ្វើឡើងចំពេលមានការរំពឹងទុកថាសហរដ្ឋអាមេរិកអាចផ្គត់ផ្គង់អាវុធរយៈចម្ងាយឆ្ងាយដែលអាចឱ្យអ៊ុយក្រែនវាយប្រហារនៅគ្រីមៀឬគោលដៅជ្រៅនៅក្នុងប្រទេសរុស្ស៊ី។គ្រីមៀត្រូវបានបញ្ចូលទៅក្នុងប្រទេសរុស្ស៊ីក្នុងឆ្នាំ២០១៤បន្ទាប់ពីការធ្វើប្រជាមតិដ៏ចម្រូងចម្រាសមួយ។ទីក្រុងម៉ូស្គូបានប្រកាសគ្រីមៀជា"បញ្ហាដែលមិនអាចចរចារបាន"។ទន្ទឹមនឹងនោះគៀវបាននិយាយថានឹងមិនមានកិច្ចចរចាសន្តិភាពទេប្រសិនបើរុស្ស៊ីមិនដកកងទ័ពរបស់ខ្លួនទាំងអស់ចេញពីអ៊ុយក្រែននិងស្ដារឡើងវិញនូវបូរណភាពទឹកដីដល់អ៊ុយក្រែនរួមទាំងតំបន់គ្រីមៀ។មន្ទីរបញ្ចកោណបានវាយតម្លៃថា នាពេលខាងមុខវានឹងពិបាកសម្រាប់អ៊ុយក្រែនក្នុងការដណ្ដើមយកគ្រីមៀមកវិញ ហើយបានព្រមានថាការវាយប្រហារណាមួយដែលបានគ្រោងទុកដោយគៀវនៅលើឧបទ្វីបនេះប្រថុយនឹងការកើនឡើងដ៏គ្រោះថ្នាក់នៃជម្លោះ។នៅក្នុងការអភិវឌ្ឍន៍ដែលពាក់ព័ន្ធអ្នកនាំពាក្យមន្ទីរបញ្ចកោណ លោកឧត្តមសេនីយ៍ទោ Patrick Ryder បាននិយាយថាកញ្ចប់ជំនួយអាវុធនិងគ្រាប់រំសេវចំនួន២.២ពាន់លានដុល្លារអាមេរិកថ្មីដល់អ៊ុយក្រែននឹងរួមបញ្ចូលគ្រាប់បែកអង្កត់ផ្ចិតតូចៗដែលបាញ់ចេញពីដី (GLSDB) ។ GLSDB អាចវាយលុកគោលដៅចម្ងាយរហូតដល់១៥០គីឡូម៉ែត្រ ដោយហេតុនេះគំរាមកំហែងដល់ខ្សែផ្គត់ផ្គង់សំខាន់របស់រុស្ស៊ីឃ្លាំងអាវុធនិងមូលដ្ឋានទ័ពអាកាសនៅឆ្ងាយពីជួរមុខ។លោក​បាន​បញ្ជាក់​ថារដ្ឋាភិបាល​អ៊ុយក្រែន​នឹង​សម្រេច​គោលបំណង​នៃ​ការ​ប្រើប្រាស់​អាវុធ​នេះ។ លោក Ryder បាននិយាយថា "តាមដែលផែនការប្រតិបត្តិការរបស់អ៊ុយក្រែនមានការព្រួយបារម្ភនោះជាការសម្រេចចិត្តរបស់ពួកគេយ៉ាងច្បាស់។ពួកគេកំពុងធ្វើវា៕យោងតាមTASS

អនុប្រធានក្រុមប្រឹក្សាសន្តិសុខរុស្ស៊ីលោកDmitryMedvedev។AFP