កម្ពុជាស្វែង​រ​កការនាំ​ចេញអង្ករដោយផ្ទាល់​ទៅកា​ន់ប្រទេស​ហ្វីលីពីន

យោងតាមនាយកដ្ឋានពាណិជ្ជកម្មនិងឧស្សាហកម្ម (DTI)បានឱ្យដឹងថា ប្រទេសកម្ពុជាដែលនាំចេញពាក់កណ្តាលនៃផលិតកម្មស្រូវរបស់ខ្លួនទៅកាន់ប្រទេសវៀតណាមកំពុងស្វែងរកការនាំចេញដោយផ្ទាល់ទៅកាន់ប្រទេសហ្វីលីពីន។កាលពីថ្ងៃទី២ ខែកុម្ភៈលោក Alfredo E. Pascual លេខាធិការ DTI បានជួបប្រជុំជាមួយគណៈប្រតិភូជាន់ខ្ពស់កម្ពុជាដឹកនាំដោយលោកគីម ចាន់សុខធី រដ្ឋលេខាធិការនៃរាជរដ្ឋាភិបាលកម្ពុជាទទួលបន្ទុកជាអគ្គនាយកក្រុមហ៊ុន Green Trade Co., និងឧកញ៉ា ចាន់ សុខឃាងប្រធានសហព័ន្ធស្រូវអង្ករកម្ពុជា។លោកPascualបាននិយាយថាប្រសិនបើកិច្ចព្រមព្រៀងអង្ករកម្ពុជានឹងត្រូវបានអនុវត្តនោះ ការរៀបចំការនាំចូលអាចធ្វើឡើងរវាងក្រុមហ៊ុន Philippine International Trading Corp. (PITC) និងក្រុមហ៊ុន Green Trade Co។លោក​បាន​និយាយ​ថា កិច្ចសហការផ្ទាល់រវាងរដ្ឋាភិបាល និងរដ្ឋាភិបាល មាន​ន័យ​ថាមាន​តម្លៃ​ថោក​ជាង​ក្នុង​ការ​នាំ​ចូល​អង្ករ​សម្រាប់​ប្រទេស​ហ្វីលីពីន។គណៈប្រតិភូកម្ពុជាបាននិយាយថា​ពួកគេបានលក់អង្ករចំនួន៣ លានតោនទៅប្រទេសវៀតណាមដែលជាក់ស្តែងវៀតណាមបាននាំចេញអង្ករកម្ពុជាទាំងនោះទៅហ្វីលីពីនឡើងវិញ។បច្ចុប្បន្ន​វៀតណាម​ជា​ប្រទេស​នាំ​ចេញ​អង្ករ​ធំ​បំផុត​ទៅ​ហ្វីលីពីន។លោក Rodolfo បានលើក​ឡើង​ថាកម្ពុជា​ចង់​មាន​ទីផ្សារ​ស្ថិរភាព​ដោយ​​នាំ​ចេញ​ដោយ​ផ្ទាល់​ទៅ​ប្រទេស​ហ្វីលីពីន​តាម​រយៈPITC។ គណៈប្រតិភូកម្ពុជាកំពុងពិចារណាលើកិច្ចសហការផ្ទាល់រវាងរដ្ឋាភិបាល និងរដ្ឋាភិបាលផងដែរដោយមើលឃើញថាប្រទេសហ្វីលីពីនបានធ្វើសេរីភាវូបនីយកម្មការនាំចូលអង្កររួចហើយដោយជំនួសពន្ធ៣៥ភាគរយ។យោងតាមការិយាល័យឧស្សាហកម្មបានឱ្យដឹងថាប្រទេសហ្វីលីពីនបាននាំចូលអង្ករចំនួន៣.៧៩លានតោន ក្នុងឆ្នាំ២០២២។តួលេខនេះគឺខ្ពស់ជាង ២.៧៧លានតោន ដែលបានកត់ត្រាក្នុងឆ្នាំ២០២១។ ការនាំចូលគិតត្រឹមថ្ងៃទី២៩ ខែធ្នូ ឆ្នាំ ២០២២ មានចំនួនសរុប ៣,៧៩១,៨៧៨លានតោន ដែល៨៣ ភាគរយនាំចូលពីវៀតណាម។លើស​ពី​នេះ ការ​នាំ​ចេញ​អង្ករ​របស់​កម្ពុជា​ត្រូវ​បាន​ត្រៀម​ខ្លួន​សម្រាប់​ទីផ្សារ​សហភាព​អឺរ៉ុប។ ដូច្នេះហើយពួកគេកំពុងធ្វើការស្ទង់មតិទីផ្សារនៅក្នុងប្រទេសហ្វីលីពីន ដើម្បីធ្វើពិពិធកម្មទីផ្សារនាំចេញរបស់ពួកគេ។ ពួកគេ​ក៏​កំពុង​ផលិត​ពូជ​ស្រូវ​ខុសៗ​គ្នា រួម​ទាំង​អង្ករ​ដែល​មាន​គុណភាព​ខ្ពស់​ផង​ដែរ។លោក Pascual បាននិយាយថា DTI គឺជាកន្លែងជួបប្រជុំដំបូងនៃបេសកកម្មរបស់គណៈប្រតិភូកម្ពុជានៅក្នុងប្រទេសហ្វីលីពីនលើកិច្ចខិតខំប្រឹងប្រែងរបស់ប្រទេសអាស៊ានសម្រាប់សក្តានុពលនាំចេញអង្ករ ខណៈដែលពាក់កណ្តាលនៃផលិតកម្មប្រចាំឆ្នាំរបស់ខ្លួនមានអតិរេករួចទៅហើយ។លោក​បាន​និយាយ​ថា​៖«​ពួកគេ​គ្រាន់តែ​ចង់មកជួបនឹងខ្ញុំ​។លោកបានបន្ត​ថា​៖ «​ពួកគេ​ចង់​នាំ​ចេញអង្ករ​មក​ទី​នេះ​ពីព្រោះពូជ​ស្រូវ​របស់​ពួកគេ​មាន​ប្រភព​ពី​ប្រទេស​ហ្វីលីពីន​កាលពី​ ២០ ​ឆ្នាំ​មុន​»​៕ Manila Bulletin/Khmer Times 

អង្ករ​កម្ពុជា។ (រូបភាពអ៊ីនធឺណិត)