នាយករដ្ឋមន្រ្តីថា៤ទៅ៥ឆ្នាំទៀតទើបដឹងមូលហេតុនៃការឆ្លើយឆ្លងរវាងសម្តេចនិងលោកស៊ន តារា
នៅមិនទាន់ចប់ទេ!អាយ៉ៃឆ្លើយឆ្លងរវាងប្រមុខរដ្ឋាភិបាលកម្ពុជាជាមួយនឹងលោកស៊ន តារាជាអ្នកគាំទ្រគណបក្សប្រឆាំងដែលនិរទេសខ្លួននៅក្រៅប្រទេស។បន្ទាប់ពីការអូសទាញឲ្យវិលចូលប្រទេសកម្ពុជាមករួមជីវភាពនយោបាយជាមួយគណបក្សកាន់អំណាចនៅមិនទាន់ទទួលបានការស្វាគមន៍ពីលោក ស៊ន តារា នៅឡើយនោះសម្តេចហ៊ុន សែន នៅថ្ងៃចន្ទនេះបានថ្លែងថាគេនឹងយល់ពីមូលហេតុនៃការឆ្លើយឆ្លងគ្នានេះនៅអំឡុងពេល៤ទៅ៥ឆ្នាំខាងមុខទៀត។ នៅក្នុងពិធីចែកសញ្ញាបត្រនៅព្រឹកថ្ងៃទី២៧កម្ភៈ ប្រមុខគណបក្សកាន់អំណាច ថ្លែងថា នៅពេលនេះគឺមានតែលោកទៀ បាញ់ រដ្ឋមន្ត្រីការពារជាតិម្នាក់ប៉ុណ្ណោះដែលយល់ពីយុទ្ធសាស្ត្ររបស់សម្តេចហ៊ុន សែន ក្នុងការឆ្លើយឆ្លងជាមួយលោកស៊ន តារា។សម្តេចហ៊ុន សែនប្រៀបធៀបយុទ្ធសាស្ត្រដែលលោកកំពុងលេងជាមួយលោកស៊ន តារាទៅនឹងនយោបាយឈ្នះឈ្នះយ៉ាងដូច្នោះដែរពោលនយបាយឈ្នះ!ឈ្នះ!មិនមែនទើបតែធ្វើនៅឆ្នាំ១៩៩៨ហើយទទួលជោគជ័យនោះឡើយគឺបានអនុវត្តន៍ជាមួយពួកខ្មែរក្រហមតាំងពីមុនឆ្នាំ១៩៩៨ទៅទៀត។ដោយបន្តចំអកទៅកាន់ លោក ស៊ន តារា ថាជាកូនមិនស្តាប់ឳពុកម្តាយសម្តេចហ៊ុន សែន ព្រមានថាកូនរបៀបនេះនឹងហែលឆ្លងទឹកភ្នែកឳពុកម្តាយមិនរួចឡើយ។ការព្រមាននេះ គឺបន្ទាប់ពីអ្នកអត្ថាធិប្បាយមិនសំចៃមាត់រូបនេះនៅតែបន្តលេងអាយ៉ៃកម្តឆាកជាមួយសម្តេចហ៊ុន សែន ដោយមិនប្តូរជំហរ បើទោះបីជាប្រព័ន្ធឃោសនាគាំទ្ររដ្ឋាភិបាលទៅសម្ភាសឳពុកលោក ស៊ន តារាដែលជាមន្ត្រីយោធានៅខេត្តកំពង់ស្ពឺឲ្យលាតត្រដាងពីចរិកកូនខ្លួនឯងដែលទៅគាំទ្របក្សប្រឆាំងខណៈឳពុកម្តាយជាអ្នកគាំទ្របក្សកាន់អំណាច។សម្រាប់ លោក ស៊ន តារា យុទ្ធសាស្ត្រនេះ គឺជាការចាប់ឳពុកម្តាយរបស់លោកធ្វើជា«ចំណាប់ខ្មាំង»ហើយថាលោកកំពុងស្វែងរកការអន្តរាគមន៍ពីប្រធានាធិបតីបារាំងនិងមេដឹកនាំបណ្តាប្រទេសនៅអឺរ៉ុបព្រមទាំងអង្គការសហប្រជាជាតិផងដែរដោយចាត់ទុកថានេះជាទង្វើខុសច្បាប់អន្តរជាតិ។លោក សុខ ឥសាន អ្នកនាំពាក្យគណបក្សប្រជាជនកម្ពុជា អះអាងថាពាក្យសំដីដែលឳពុករបស់លោក ស៊ន តារា និយាយចេញមកគឺជាការជាក់ស្តែងដោយគ្មានការបង្ខិតបង្ខំពីសម្តេចនាយករដ្ឋមន្ត្រី ហ៊ុន សែន នោះឡើយ៕RFI
/unnamed.png
Post a Comment