រុស្ស៊ី​និ​យា​យ​​​​អំពី​ដំណើ​​រ​ទស្សនកិ​ច្ច​រប​ស់​​លោ​ក​ប្រធានា​ធិប​តីBide​nនៅ​ក្រុ​ង​គៀ​វ(TAS​S,​C​NN)

លោកMedvedevបាននិយាយថាប្រធានាធិបតីអាមេរិក"បានទទួលការធានាសន្តិសុខពីរុស្ស៊ី"មុនពេលទៅទីក្រុងគៀវហើយបានរិះគន់ដំណើរទស្សនកិច្ចនេះ។អនុប្រធានក្រុមប្រឹក្សាសន្តិសុខនៃសហព័ន្ធរុស្ស៊ី លោក Dmitry Medvedev បានបង្ហោះនៅលើ Telegram នៅថ្ងៃទី២០ ខែកុម្ភៈថា "Biden បានទទួលការធានាសន្តិសុខរបស់រុស្ស៊ីជាមុនហើយទីបំផុតបានមកដល់ទីក្រុងគៀវដោយសន្យាថានឹងផ្តល់អាវុធជាច្រើន"។ "ពិតណាស់ ពួកគេបញ្ឆោតខ្លួនឯងថាជ័យជំនះនឹងមកជាមួយអាវុធថ្មី"។លោក Medvedev បាននិយាយថាលោកខាងលិចតែងតែផ្តល់អាវុធ និងជំនួយហិរញ្ញវត្ថុដល់អ៊ុយក្រែន។សព្វាវុធដ៏ច្រើនសន្ធឹកសន្ធាប់នេះ អនុញ្ញាតឱ្យសាជីវកម្មការពារជាតិណាតូ"បង្កើតទ្រព្យសម្បត្តិ" ដោយចោទប្រកាន់ពួកគេថាបានបញ្ជូនអាវុធទៅឱ្យភេរវករជុំវិញពិភពលោក។លោក Medvedevបានធ្វើការអត្ថាធិប្បាយបែបនេះ បន្ទាប់ពីប្រធានាធិបតីអាមេរិក Joe Bidenបានធ្វើទស្សនកិច្ចនៅរដ្ឋធានី គៀវនិងបានជួបជាមួយសមភាគីរបស់លោក Volodymyr Zelensky នៅវិមានប្រធានាធិបតីអ៊ុយក្រែន។ នេះ​ជា​ដំណើរ​ទស្សនកិច្ច​លើក​ដំបូង​របស់​លោក Biden ទៅ​កាន់​ទីក្រុងគៀវចាប់​តាំង​ពី​ជម្លោះ​រុស្ស៊ី និង​អ៊ុយក្រែន​បាន​ផ្ទុះ​ឡើង។ទីប្រឹក្សាសន្តិសុខជាតិអាមេរិក លោក Jake Sullivan បាននិយាយថាមន្ត្រីអាមេរិកបានជូនដំណឹងដល់ភាគីរុស្ស៊ីអំពីដំណើរទស្សនកិច្ចរបស់លោកប្រធានាធិបតីBidenទៅកាន់ទីក្រុងគៀវជាច្រើនម៉ោងមុនពេលលោកចាកចេញ។ការសម្រេចចិត្តនេះមានគោលបំណង"ជៀសវាងការគណនាខុស"ដែលអាចរុញច្រានមហាអំណាចនុយក្លេអ៊ែរទាំង២ឱ្យធ្លាក់ចូលទៅក្នុងជម្លោះដោយផ្ទាល់។សង្គ្រាម​រវាង​រុស្ស៊ីនិង​អ៊ុយ​ក្រែ​ន​ជិត​ឈាន​ចូល​ឆ្នាំ​ទី​២​ហើយ។ហើយ​មិន​មាន​សញ្ញា​នៃ​ការ​ចុះ​ត្រជាក់​ឡើយ ។មន្ត្រីលោកខាងលិច និងអ៊ុយក្រែនបារម្ភថារុស្ស៊ីគ្រោងនឹងបើកការវាយលុកដ៏ធំមួយ ដើម្បីបំបែកភាពជាប់គាំងនៅលើសមរភូមិហើយក្រុងកៀវត្រូវការលោកខាងលិចដើម្បីគាំទ្រសព្វាវុធយ៉ាងច្រើនដើម្បីដោះស្រាយយុទ្ធនាការរបស់ទីក្រុងម៉ូស្គូ៕

អនុប្រធានក្រុមប្រឹក្សាសន្តិសុខនៃសហព័ន្ធរុស្ស៊ីលោកDmitry Medvedev ក្នុងកិច្ចប្រជុំនៅទីក្រុងមូស្គូកាលពីថ្ងៃទី២៣ខែមករា។ រូបថត៖ RIA Novosti ។