រុស្ស៊ី​និ​យាយ​ថាខ្លួន​មិន​​ឃើ​ញ​មាន​កា​រ​ចរចា​សន្តិភាព​ជា​មួយ​អ៊ុយក្រែន​ទេ

វិមានក្រឹមឡាំងនិយាយថាខ្លួនមើលមិនឃើញលទ្ធភាពនៃកិច្ចចរចាសន្តិភាពជាមួយអ៊ុយក្រែនទេដោយសារច្បាប់របស់ប្រទេសនេះនៅតែហាមឃាត់ការសន្ទនាជាមួយរុស្ស៊ី។អ្នកនាំពាក្យវិមានក្រឹមឡាំងបាននិយាយថា"មិនមានការរំពឹងទុកសម្រាប់ការសន្ទនានៅពេលនេះទេក្នុងករណីដែលច្បាប់អ៊ុយក្រែនហាមប្រាមប្រធានាធិបតីនៃប្រទេសនេះមិនឱ្យទាក់ទងយើងហើយលោកខាងលិចមិនចង់អនុញ្ញាតឱ្យទីក្រុងគៀវមានភាពបត់បែន"។អ្នកនាំពាក្យវិមានក្រឹមឡាំងបាននិយាយកាលពីខែមករា។លោក Peskov បានធ្វើអត្ថាធិប្បាយរបស់លោកបន្ទាប់ពីរដ្ឋមន្ត្រីការបរទេសតួកគី Mevlut Cavusoglu បាននិយាយថារុស្ស៊ីបានត្រៀមខ្លួនរួចជាស្រេចក្នុងការចរចាជាមួយអ៊ុយក្រែន។ អ្នកនាំពាក្យរូបនេះបានសង្កត់ធ្ងន់ថារុស្ស៊ីតែងតែត្រៀមខ្លួនជាស្រេចក្នុងការដោះស្រាយបញ្ហាតាមរយៈការចរចា ដោយបន្ថែមថាប្រធានាធិបតីVladimirPutinក៏បានបញ្ជាក់ម្តងហើយម្តងទៀតថាម៉ូស្គូតែងតែត្រៀមខ្លួនសម្រាប់រឿងនេះ។អ្នកនាំពាក្យវិមានក្រឹមឡាំងបាននិយាយថា "ពិតណាស់យើងចង់សម្រេចបាននូវគោលដៅរបស់យើង តាមរយៈសន្តិភាពនិងការទូត"។ប្រធានាធិបតី Zelensky បានចុះហត្ថលេខាលើក្រឹត្យមួយកាលពីខែតុលា ឆ្នាំ២០២២ដោយបានច្រានចោលនូវលទ្ធភាពនៃការចរចាជាមួយលោកPutin។ប៉ុន្តែការទុកទ្វារបើកចំហសម្រាប់ការសន្ទនាជាមួយ "ប្រធានាធិបតីរុស្ស៊ីផ្សេងទៀត" ។ ក្រឹត្យ​នេះ​ច្រានចោល​រាល់​លទ្ធភាព​ដែល​អ៊ុយក្រែន​នឹង​ចរចា​ជាមួយ​រុស្ស៊ី​ខណៈ​លោកPutinនៅ​កាន់​អំណាច។Zelensky កំពុងជំរុញយ៉ាងសកម្មនូវផែនការសន្តិភាព១០ចំណុច ដែលលោកបានប្រកាសជាលើកដំបូងនៅក្នុងខែវិច្ឆិកា ឆ្នាំ២០២២។ នៅក្រោមផែនការនេះ កងទ័ពរុស្ស៊ីត្រូវតែដកខ្លួនចេញពីទឹកដីអ៊ុយក្រែនដែលត្រូវបានទទួលស្គាល់ជាអន្តរជាតិមានន័យថា ទីក្រុងម៉ូស្គូត្រូវតែបោះបង់ចោលតំបន់ទាំង៤ដែលខ្លួនទើបតែបានប្រកាសថានឹងដាក់បញ្ចូលរួមជាមួយនឹងឧបទ្វីបគ្រីមៀ ដែលជាឧបទ្វីបរុស្ស៊ីបានបញ្ចូលក្នុងឆ្នាំ ២០១៤។រុស្ស៊ីបានច្រានចោលផែនការនេះ ដោយនិយាយថា សំណើរបស់អ៊ុយក្រែនត្រូវតែរួមបញ្ចូល "ស្ថានភាពពិត" នៃខេត្តទាំង៤របស់រុស្ស៊ីដែលបានបញ្ចូល។ វិមានក្រឹមឡាំងក៏បានបញ្ជាក់ម្តងហើយម្តងទៀតថាខ្លួនត្រៀមខ្លួនជាស្រេចដើម្បីចរចាសន្តិភាពជាមួយអ៊ុយក្រែន ។ប៉ុន្តែមិនបានឃើញអាកប្បកិរិយាដូចគ្នាពីប្រទេសនេះទេ។ការចរចាររុស្ស៊ី-អ៊ុយក្រែនបានជាប់គាំងតាំងពីខែមីនា ឆ្នាំ២០២២។ជម្លោះនៅអ៊ុយក្រែនបានឈានចូលដល់ឆ្នាំទី១១ហើយ។ បន្ទាប់ពីការវាយបកចាប់តាំងពីខែសីហា ឆ្នាំ ២០២២មក កងទ័ពអ៊ុយក្រែននៅថ្ងៃទី៣ខែមករា បានប្រកាសថា ខ្លួនបានទទួលមកវិញនូវ៤០% នៃទឹកដីដែលធ្លាប់គ្រប់គ្រងដោយកងកម្លាំងរុស្ស៊ី។ ប្រធានាធិបតីអ៊ុយក្រែនលោក Zelensky បាននិយាយកាលពីថ្ងៃទី ១០ខែមករាថា "វាច្បាស់ណាស់ថាអ្នកណាឈ្នះនៅក្នុងជម្លោះ" ។ទន្ទឹមនឹងនេះ រុស្ស៊ីបានបង្កើនការវាយឆ្មក់ទ្រង់ទ្រាយធំលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន ក៏ដូចជាពង្រឹងការការពាររបស់ខ្លួនបន្ទាប់ពីដកទ័ពចេញពីតំបន់មួយចំនួន។ ទីក្រុងម៉ូស្គូកាលពីថ្ងៃទី១១ខែមករាបានប្រកាសថាប្រធានអគ្គសេនាធិការនៃកងកម្លាំងប្រដាប់អាវុធ Valery Gerasimov បានក្លាយជាមេបញ្ជាការថ្មីដែលទទួលបន្ទុកប្រតិបត្តិការយោធានៅអ៊ុយក្រែន៕យោងតាមTASS

អ្នកនាំពាក្យវិមានក្រឹមឡាំងលោក Dmitry Peskov នៅទីក្រុងម៉ូស្គូក្នុងខែធ្នូ ឆ្នាំ២០២១។ រូបថត៖ AFP។

_______________________________________________________________________________

សេចក្តីជូនដំណឹងP EXPRESS Logistics

P EXPRESS Logistics ត្រូវការជ្រើសរើសដៃគូសហការបន្ថែមរហូតទៅដល់២៥០សាខា គ្រប់ខេត្ត/ក្រុង/ស្រុក/ឃុំ/សង្កាត់ ។🤝P Expressចូលរួមសហការជាមួយពួកយើងឥឡូវនេះដើម្បីកសាងអនាគតដ៏ប្រសើរជាមួយគ្នា ។លោកអ្នកគ្រាន់តែមានទីតាំងមានភ្ញៀវត្រូវការឥវ៉ាន់ត្រូវដឹកជញ្ជូននោះលោកអ្នកនឹងអាចក្លាយជាដៃគូសហការរបស់ពួកយើង ។🤝សហការជាមួយពួកយើងលោកអ្នកនឹងមានអត្ថប្រយោជន៍រយៈពេលវែងនិងយូរអង្វែង ។👉យើងនឹងមានគោលនយោបាយផ្ដល់ជូនពិសេសដើម្បីធ្វើយ៉ាងណាឲ្យម្ចាស់ហាងទទួលបានផលចំណេញច្រើន។🚚PExpressមានសាខាទូទាំងប្រទេសមានប្រព័ន្ធទីផ្សារនិងការធានាគុណភាពងាយស្រួលអាចពង្រីកទៅគ្រប់ទីកន្លែងនៃប្រទេសកម្ពុជា ។

👉ព័ត៌មានបន្ថែម0978593132.077313276