មន្ត្រីសាលាខណ្ឌ១រូប ជួបគ្រោះនៅផ្លូវ៦០ម៉ែត្រព្រឹកមិញ ទទួលមរណភាពហើយ
គិតមកត្រឹមវេលារសៀលថ្ងៃទី៣ តុលា ឆ្នាំ២០២២ ស្ត្រីចំណាស់មួយរូបជាមន្ត្រីបម្រើការងារនៅសាលាខណ្ឌមានជ័យ បានទទួលមរណភាពហើយ ពេលបញ្ជូនទៅសង្គ្រោះនៅមន្ទីរពេទ្យ បន្ទាប់ពីជួបហេតុការណ៍គ្រោះថ្នា.ក់ច.រា.ចរណ៍រវាងម៉ូតូ២គ្រឿងបុ.កគ្នាយ៉ាងពេញទំហឹង នៅតាមបណ្តោយមហាវិថីសម្តេចតេជោ ( ផ្លូវ៦០ម៉ែត្រ ) ទល់មុខច្រកចូលសាលាខណ្ឌមានជ័យ ក្នុងសង្កាត់ចាក់អង្រែក្រោម ខណ្ឌមានជ័យ បង្កការភ្ញាក់ផ្អើលកាលពីវេលាម៉ោង៧ព្រឹកថ្ងៃទី៣ ខែតុលា ឆ្នាំ២០២២ ។
ស្ត្រីរងគ្រោះខាងលើឈ្មោះ តុប ស៊ីវហ៊ុន អាយុប្រមាណជាង៦០ឆ្នាំ ជាអតីតនាយិកាអនុវិទ្យាល័យហ៊ុនសែនចាក់អង្រែ និងបច្ចុប្បន្នជាមន្ត្រីការិយាល័យប្រជាពលរដ្ឋខណ្ឌមានជ័យ ។
បច្ចុប្បន្ន ស.ពស្ត្រីរងគ្រោះត្រូវបានក្រុមគ្រួសារតម្កល់ធ្វេីបុណ្យតាមប្រពៃណីនៅគេហដ្ឋាន ស្ថិតនៅផ្លូវបេតុងលេខ៦ ក្រុម២១ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
ដោយឡែកតាមការបញ្ជាក់ពីមន្ត្រីនគរបាលចរាចរណ៍ខណ្ឌបានឱ្យដឹងនៅមុននេះបន្តិចថា ស្ថានភាពភាគីខាងបុរសជាអ្នកបើកបរម៉ូតូបង្ក ដែលរងរបួសធ្ងន់ បើតាមការអះអាងឱ្យដឹងពីក្រុមគ្រូពេទ្យថា មានភាគរយតិចតួចណាស់ ដែលសង្ឃឹមថានឹងរស់រានមានជីវិត ដោយសារស្ថានភាពនៃរបួសមានសភាពធ្ងន់ធ្ងរពេក ពិបាកក្នុងការសង្គ្រោះ ។
សូមបញ្ជាក់ថា មនុស្សប្រុសស្រីចំនួន៣នាក់ ក្នុងនោះ មានស្ត្រីចំណាស់ម្នាក់ ជាមន្ត្រីបម្រើការងារនៅសាលាខណ្ឌមានជ័យ និងបុរសម្នាក់ បានរងរបួសធ្ងន់ធ្ងរសន្លប់ស្តូកស្តឹង២នាក់ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូ២គ្រឿងបុ.កគ្នាយ៉ាងពេញទំហឹង តាមបណ្តោយមហាវិថីសម្តេចតេជោ ( ផ្លូវ៦០ម៉ែត្រ ) ទល់មុខច្រកចូលសាលាខណ្ឌមានជ័យ ក្នុងសង្កាត់ចាក់អង្រែក្រោម ខណ្ឌមានជ័យ បង្កការភ្ញាក់ផ្អើល កាលពីវេលាម៉ោង៧ព្រឹកថ្ងៃទី០៣ ខែតុលា ឆ្នាំ២០២២ ។
ជនរងគ្រោះទាំង៣នាក់ ពុំត្រូវបានស្គាល់អត្តសញ្ញាណឡើយ គ្រាន់ដឹងថា ក្នុងចំណោមអ្នកទាំង៣ មានបុរសម្នាក់ និងស្ត្រីម្នាក់ ជាមន្ត្រីបម្រើការងារនៅសាលាខណ្ឌមានជ័យ ត្រូវជាប្តីប្រពន្ធនឹងគ្នា ។
យោងតាមប្រភពព័ត៌មានពីសាក្សី នៅកន្លែងកើតហេតុ អោយដឹងថា នៅមុនកើតហេតុ គេសង្គេតឃើញប្តីប្រពន្ធ២នាក់ ដែលស្ត្រីជាប្រពន្ធជាមន្ត្រីសាលាខណ្ឌមានជ័យ បានជិះម៉ូតូមួយគ្រឿងម៉ាកហុងដាឌ្រីម ធុនសេ១២៥ ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ 1BB – 9545 ជិះឌុបគ្នាធ្វើដំណើរតាមបណ្តោយផ្លូវ៦០ម៉ែត្រ ក្នុងទិសដៅពីជើងទៅត្បូង ។
តាមប្រភពដដែលបានបន្តថា លុះដល់ចំណុចកើតខាងលើ ក៏មានបុរសម្នាក់ជិះម៉ូតូមួយគ្រឿងម៉ាកហុកដាឌ្រីម ដូចគ្នា ប៉ុន្តែស៊េរីឆ្នាំ២០២១ ពណ៌ខ្មៅ ពាក់ស្លាកលេខ កំពត 1R-1805 ធ្វើដំណើរគ្នាក្នុងទិសដៅបញ្ច្រាសគ្នា ក៏បានបើកបុ.កម៉ូតូប្តីប្រពន្ធយ៉ាងពេញទំហឹងតែម្តង បណ្តាលអោយទាំងម៉ូតូ និងមនុស្សអូសខ្ទាតប្រមាណ១០ម៉ែត្រ រងរបួសធ្ងន់ទាំង៣នាក់ ក្នុងនោះ២នាក់ ( ម្នាក់ជាស្ត្រី និងម្នាក់ទៀតភាគីដែលបើកបុ.ក) រងរបួសធ្ងន់ សន្លប់ស្តូកស្តឹងទាំង២នាក់ ។
ភ្លាមៗ គេសង្គេតឃើញមានកម្លាំងប្រជាការពារ និងអាជ្ញាធរខណ្ឌមានជ័យ បានចុះមកដល់កន្លែងកើតហេតុ នឹងជួយទំនាក់ទំនងទៅកាន់រថយន្តរថយន្តសាម៉ុយ ដើម្បីអោយទៅទទួលយកជនរងគ្រោះទាំងអស់ ទៅសង្គ្រោះ។
បន្ទាប់ពីកើតហេតុ កម្លាំងនគរបាលមូលដ្ឋាន រួមទាំងកម្លាំងជំនាញ បានចុះអន្តរាគមន៍ ធ្វើការវាស់វែង អូសយកម៉ូតូទាំង២គ្រឿងទៅរក្សាទុកនៅអធិការដ្ឋាននគរបាលខណ្ឌមានជ័យ រង់ចាំដោះស្រាយទៅតាមនីតិវិធីច្បាប់នៅពេលក្រោយ ៕
/unnamed.png
Post a Comment