សម្តេចតេជោ ប្រកាសស្រឡាញ់លុយ ដើម្បីយកជួយប្រជាជនក្រីក្រ
ដើម្បីដាក់ទៅកាន់ក្រុមប្រឆាំងតែងតែរិះគន់រឿងការទទួលពីសប្បុរសជន សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសថា នឹងមិនធ្វើសត្រូវជាមួយលុយនោះទេ ក្នុងករណីសប្បុរសជនចូលរួមឧបត្ថម្ភជូនសម្ដេច ក្នុងការជួយសង្គ្រោះប្រជាពលរដ្ឋដែលកំពុងរងគ្រោះដោយសារទឹកជំនន់ និងបញ្ហាដទៃទៀត ។
ការចេញប្រកាសរបស់សម្តេចនាយករដ្ឋមន្ត្រីបែបនេះ បន្ទាប់ពីក្រុមប្រឆាំងមួយក្ដាប់តូច តែងតែលើកតិះទៀនលើរាជរដ្ឋាភិបាលថា បានកៀរគរ ឧកញា និងអ្នកមានលុយជាច្រើនទាំងក្នុងនិងក្រៅស្រុកឱ្យចូលរួមការកិច្ចការមួយនេះ។ នៅក្នុងជំនួបសំណេះសំណាល និងចែកស្រូវពូជជូនប្រជាកសិករជាង៥ពាន់គ្រួសារ ក្នុងខេត្តបន្ទាយមានជ័យ នៅព្រឹកថ្ងៃទី២៣ ខែតុលា ឆ្នាំ២០២២នេះ បានលើកឡើងថា ពិតមែនហើយ ពួកប្រឆាំងតែងជេរសម្ដេចនៅពេលណាមួយនោះ ដែលប្រជាពលរដ្ឋចូលលុយថា ដល់ពេលវេលា ដើម្បីនឹងប្រមូលប្រាក់ជាមិនខាន។
ចំពោះករណីនេះ សម្ដេចតេជោ បញ្ជាក់យ៉ាងធ្ងន់ៗទៅកាន់ក្រុមប្រឆាំងយ៉ាងដូច្នេះថា ៖ «បើហែងធ្វើសត្រូវជាមួយលុយហែងធ្វើទៅ អាញ់អត់ធ្វើសត្រូវជាមួយលុយនោះទេ អ្នកណាចូលលុយខ្ញុំយកលុយ ទៅជួយប្រជាពលរដ្ឋអត់មានខុសទេ ហើយខ្ញុំអត់មានទៅបង្ខំឱ្យឧកញ៉ាអី ដើម្បីមកជួយលុយជួយកាក់នោះទេ ប៉ុន្តែបើគេចូលហើយ ទទួលមកយកទៅជួយប្រជាពលរដ្ឋ»។ សម្ដេចបន្ថែមថា ដល់ពេលឃើញប្រជាពលរដ្ឋបានទទួលផល ក្រុមប្រឆាំងនេះ តែងតែមកច្រណែននឹងរាជរដ្ឋាភិបាលនេះទៅទៀត។
សូមជម្រាបថា ការលើកឡើរបស់សម្តេចតេជោនេះ ស្របពេលជាមួយគ្នានេះដែរ សប្បុរសជន បានចូលរួមជាមួយរាជរដ្ឋាភិបាលយ៉ាងផុសផុល ដោយអ្នកខ្លះមានដូចជា ស្រូវ អង្ករ និងថវិកា ជាដើម ក្នុងការជួយសង្គ្រោះប្រជាពលរដ្ឋដែលបានរងគ្រោះដោយសារទឹកជំនន់នៅបណ្តាខេត្តនានាក្នុងប្រទេស៕
/unnamed.png
Post a Comment