មន្ទីរអប់រំយុវជន និងកីឡា ខេត្តកណ្តាល សម្រេច ៣ចំណុច លើករណីនាយកសាលាវាយសិស្ស
បន្ទាប់ពីមានវិដេអូ បង្ហោះករណីនាយកសាលា វិទ្យាល័យ ហ៊ុន សែន សេរីភាព វាយសិស្សស្រី ក្នុងបរិវេណសាលា រួចមក នៅរសៀលថ្ងៃទី១៤ ខែកញ្ញា ឆ្នាំ២០២២ មន្ទីរអប់រំយុវជន និងកីឡា ខេត្តកណ្តាល បានជួបប្រជុំជាមួយគណៈគ្រប់គ្រងវិទ្យាល័យ ហ៊ុន សែន សេរីភាព ដែលស្ថិតក្នុងទីក្រុងតាខ្មៅ។ ជាលទ្ធផល មន្ទីរអប់រំយុវជន និងកីឡា បានចេញគោលការណ៍ ៣ចំណុច សម្រាប់គណៈគ្រប់គ្រងវិទ្យាល័យ ហ៊ុន សែន សេរីភាព អនុវត្ត ក្នុងករណីនាយកសាលា វាយសិស្ស។
១. ត្រូវបង្កើនគុណភាពអប់រំ ឱ្យបានកាន់តែប្រសើរឡើង
២. ត្រូវអប់រំណែនាំប្អូនៗ ដោយមិនប្រើអំពើហិង្សា ទោះអចេតនាក្តី ចេតនាក្តី និង
៣. អញ្ជើញអាណាព្យាបាលប្អូនស្រីពាក់ព័ន្ធ មកជួបពិភាក្សា បកស្រាយ ណែនាំឱ្យបានជ្រាប។
សូមរម្លឹកថា ក្រោយការបង្ហោះខ្លីបវិដេអូ ដែលនាយកសាលា ស្តីបន្ទោស និងប្រើហិង្សាលើកូនសិស្សស្រី ត្រូវបានគេបង្ហោះតាមហ្វេសប៊ុក មានការលើកឡើងថា លោកនាយកសាលាវិទ្យាល័យ ហ៊ុន សែន សេរីភាព នៅទីក្រុងតាខ្មៅ ធ្វើដូច្នេះ គឺដើម្បីចង់ឱ្យសិស្សល្អ ប្រលងបាក់ឌុប ជាប់ ទទួលបាននិទ្ទេសល្អ។
ហ្វេសប៊ុក ឈ្មោះ «ពិភពកិច្ចតែងការបង្រៀន» បានសរសេរថា លោកនាយកវិទ្យាល័យ ហ៊ុន សែន សេរីភាព លោកស្លូតទេ គាត់មិននិយាយច្រើនទេ មិនដូចព័ត៌មានចេះតែផ្សាយទេ។ ករណីព្រឹកថ្ងៃទី១៤ ខែកញ្ញា ឆ្នាំ២០២២ មកពីសិស្ស នៅ ៣ខែទៀត បានប្រឡងបាក់ឌុប សិស្សៗ អត់រៀននាំគ្នាគូសអាវទុកអនុស្សាវរីយ៍ ក្រសួងខំពន្យារពេលប្រឡង ឱ្យរៀនបែបធ្វើទង្វើបែបនេះ»។
ហ្វេសប៊ុកដដែល លើកឡើថា «ការដែលលោកនាយកធ្វើនេះ ដើម្បីចង់ឱ្យសិស្សល្អ ប្រឡងទទួលបាននិទ្ទេសល្អ ព្រោះជាសាលាមួយ ធ្លាប់មានកេរ្តិ៍ឈ្មោះល្អដែរ។ សូមលោកអ្នក មុន Comment ក្នុងបណ្តាញសង្គម គួរពិចារណាព័ត៌មានពិតផង សូមអរគុណ»។
សូមរម្លឹកថា នៅថ្ងៃទី១៤ ខែកញ្ញានេះ តាមហ្វេសប៊ុក មានគេបង្ហោះ វិដេអូចំនួន ០២ឃ្លីប ដែលគេថតបង្ហោះពីសកម្មរបស់លោក ម៉ម សុធានី ជានាយកវិទ្យាល័យ ហ៊ុន សែន សេរីភាព ក្រុងតាខ្មៅ ខេត្តកណ្តាល វាយសិស្សស្រីម្នាក់។
ក្រោយពីមានព័ត៌មាន ចុះផ្សាយវីដេអូលើបណ្ដាញសង្គម នៅរសៀលថ្ងៃទី១៤ ខែកញ្ញា ឆ្នាំ២០២២ នេះ លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានអោយដឹងថា ករណីមានបាតុភាព នៅតាមគ្រឹះស្ថានសិក្សា ចាំបាច់យើងត្រូវបើកការស្រាវជ្រាវជាមុនសិន មុនចាត់វិធានការរដ្ឋបាល ហើយក្រសួង ក៏កំពុងពិនិត្យមើលករណីនេះហើយ។
ជាមួយគ្នានេះ ក៏មានមតិខ្លះ បានសម្តែងការមិនពេញចិត្តនឹងទង្វើររបស់លោកនាយក ហើយថា គួរតែណែនាំសិស្ស មិនត្រូវប្រើហិង្សាបែបនេះទេ។
ក៏ប៉ុន្តែក៏មានគ្រូបង្រៀន លើកឡើងថា ការសប្បាយរបស់កូនៗ កំពុងសម្លា.ប់ការខិតខំប្រឹងប្រែងរបស់លោកនាយក និងលោកគ្រូ អ្នកគ្រូហើយ។ លោកនាយក និងលោកគ្រូ អ្នកគ្រូ ចង់អោយសិស្ស ជាប់សញ្ញាបត្រមធ្យមសិក្សាទុតិយភូមិច្រើន និងបាននិទ្ទេសល្អៗ។ ម្យ៉ាងទៀត មិនចង់អោយសិស្សឈប់រៀន មុនការកំណត់របស់ក្រសួងអប់រំ (វិស្សមកាល)៕
/unnamed.png
Post a Comment