លោកឧត្តមសេនីយ៍ទោ សិទ្ធិ ឡោះ និងលោកស្រី ព្រមទាំងសហការី បាននាំយកបច្ច័យនិងទេយ្យវត្ថុ ទៅប្រគេនព្រះសង្ឃក្នុងពិធីបុណ្យកាន់បិណ្ឌ វេនទី១ នៅវត្តសិលាអណ្តែត

ថ្ងៃទី១០ ខែកញ្ញា ឆ្នាំ២០២២ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងលោកស្រី មាតា បីតា ព្រមទាំងសហការី បាននាំយកបច្ច័យ ចំនួន ១៣,១៨០.០០០រៀល និង ទេយ្យវត្ថុ ទៅប្រគេនព្រះសង្ឃ ក្នុងពិធីបុណ្យកាន់បិណ្ឌ វេនទី១ នៅវត្តសិលាអណ្តែត ភូមិចង្ហា ឃុំចង្ហា ស្រុកអូរជ្រៅ។

ពិធីនេះត្រូវបានប្រារព្ធធ្វើឡើងរៀងរាល់១ឆ្នាំម្តង តាមប្រពៃណីនៃព្រះពុទ្ធសាសនា និងដើម្បីឧទ្ទិសកុសល ជូនដល់បុព្វការីជន ព្រមទាំងញាតិការគ្រប់ៗគ្នា ក្នុងសង្សារវដ្ត។ បច្ច័យប្រគេនព្រះសង្ឃ ១១.៩៩០.០០រៀល ជូនតាជី យាយជី ១១៩នាក់ ស្មើ១.១៩០.០០០រៀល អង្ករ ០៩ការ៉ុង ស្មើ៤៥០គីឡូក្រាម ទឹកបរិសុទ្ធ ២០កេស និងទឹកសឹង្ហ ១០០យួរ ទឹកក្រូច១០កេស មី១០កេស។

ឆ្លៀតក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ ក៏បានសំណេះសំណាល សួរសុខទុក្ខ ព្រះសង្ឃ យាយជី តាជី ពុទ្ធបរិស័យ។ លោកឧត្តមសេនីយ៍ទោស្នងការ ក៏បានជូនពរដល់ព្រះសង្ឃគ្រប់ព្រះអង្គ និងលោក លោកស្រី ឧត្តម សេនីយ៍ វរសេនីយ៍ ស្នងការរង លោក នាយការិយាល័យ លោកអធិការនគរបាលក្រុងស្រុក លោកមេបញ្ជាការវរៈ លោកតា លោកយាយ ញត្តិមិត្តទាំងអស់ទទួលបាន សុខភាពល្អ និង ពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕