ប្រមុខរាជរដ្ឋាភិបាលកម្ពុជា ប្រកាសផ្តល់អង្ករ ចំនួន ៦ពាន់តោន ដល់រដ្ឋាភិបាលនិងប្រជាជនគុយបា

 ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសផ្តល់អង្ករ ៦ពាន់តោនដល់រដ្ឋាភិបាល និងប្រជាជនគុយបា។ សម្តេចតេជោបានប្រកាសផ្តល់ជំនួយអង្ករនេះ ធ្វើឡើងក្នុងជំនួបរវាងសម្តេចតេជោ និង ឯកឧត្តម Miguel Diaz-Canel ប្រធានាធិបតីគុយបា នាថ្ងៃទី២៤ ខែកញ្ញា ឆ្នាំ២០២២។

សម្តេចតេជោ ហ៊ុន សែន បានឱ្យដឹងថា ក្នុងចំណោមអង្ករ ៦ពាន់តោននេះ ក្នុងនោះមាន ៣ពាន់តោន ជាជំនួយរបស់រាជរដ្ឋាភិបាល និងប្រជាជនកម្ពុជា ហើយ ៣ពាន់តោនទៀតជាជំនួយរបស់វិស័យឯកជន។

សម្តេចតេជោ ហ៊ុន សែន បានគូសបញ្ជាក់ថា អង្ករ៦ពាន់តោននេះ នឹងដឹកចេញពីកម្ពុជានៅខែតុលា ហើយដឹកដល់ប្រទេសគុយបានៅក្នុងខែធ្នូ។